Húsdýragarðurinn Brúnastöðum

March 22, 2021

Húsdýragarðurinn Brúnastöðum

Húsdýragarðurinn Brúnastöðum
Staðurinn til að heimasækja með börnin og barnið inni í sér og ég mæli með nesti og góðum tíma til að njóta dagsins því þarna er alveg hægt að gleyma sér.


Árið 2017 kom ég þarna að en þá var ég svo óheppin að búið var að loka og satt að segja hafði ég bara ekki hugmynd um þennan húsdýragarð þarna.
Svo að það komi nú strax fram þá er opið frá kl.11-18 samkvæmt skiltinu. 

Nú svo að þegar ég kom þarna við aftur árið 2020,, var ég nánast búin að keyra framhjá því ég hafði staðsett þetta í huga mínu á öðrum stað á landinu, svo að þið vitið það þá bara hér og nú að hann staðsettur í Fljótunum 570 Skagafirði (fínt að nota google map) en þar reka þau hjónin Stefanía Hjördís Leifsdóttir og Jóhannes Helgi Ríkharðsson þennan dásamlega stað sem samanstendur af húsdýragarði,  ferðaþjónustu og nú líka ostavinnslu á geitaosti.

Þarna er hægt að skoða fjöldan allan af dýrum eins og geitur, grísi, íslenskar landnámshænur, heimalinga, kanínur, kýr og kálfa, hesta, hunda, ketti og nokkur mismunandi afbrygði af hænum og þótti mér silkihænurnar alveg einstaklega fallegar, já og geiturnar skemmtilegar, varð okkur vel til vina, sérstaklega ein þeirra sem elti mig út um allt, það var ofurkrúttilegt skal ég segja ykkur.
         
Ég get alveg deilt því með ykkur hér og nú að ég elska dýr og að vera innan um þau og móttökurnar voru ekki af verri endanum því að geiturnar biðu mín spenntar hinu megin við girðinguna og ég átti fullt í fangi með að opna hana, haldandi á tveimur myndavélum og einni selfie stöng, já stelpan ætlaði sko ekki að missa af neinu því litla Ingunn var mætt alsæl í sæluna og ég mæli með tímaleysi þarna, bara njóta og slaka og ekki gleyma nestinu því það er hægt að koma sér vel fyrir þarna.
      
Krúttið sem elti mig er þarna hægra megin.

Þetta er nú samt ekki allt sem í boði er hjá fjölskyldunni því þau bjóða upp á gistingu líka í 50m sumarhúsi, hægt er að kaupa sér veiðileyfi, svo það ætti að vera þarna eitthvað í boði fyrir alla en á síðunni þeirra á feisinu er hægt að skoða og fylgjast með og fræðast um meira sem þau eru að bjóða upp á, sjá hér
       
Það nýjasta hjá þeim eru svo hin spennandi ostavinnsla á geitaosti og það er eitthvað sem ég sælkerinn verð að skoða hjá þeim í næstu ferð því geitaostur er algjört nammi að mínu mati og hægt að bera hann fram á marga vegu.

Takið eftir þeim þarna þar sem geiturnar eru að gæða sér á jólatré, hugsanlega verður jólabragð af ostinum. 
Hérna er hægt að sjá síðuna þeirra um ostavinnsluna hjá þeim.
     
Þarna eru öll dýrin í skóginum vinir..

Silkihænur...hversu fallegar eru þær.

Stór garður til að njóta nestisins á góðum dögum.

Njótið!




Skildu eftir athugasemd


Einnig í Umfjallanir

Birna kerti
Birna kerti

July 13, 2023

Birna Sigurbjörnsdóttir er eigandi af Birna kerti
Ég og Sólveig skelltum okkur á námskeið hjá henni Birnu þann 11.júní 23 þar sem við fengum innsýn í kerta gerð og endurnýtingu á kertum, dásamlegt námskeið og persónulegt þar sem við fórum síðan heim með tvö kerti sem við gerðum alveg sjálfar.

Halda áfram að lesa

Síldarminjasafn Íslands
Síldarminjasafn Íslands

April 17, 2023

Síldarminjasafn Íslands 
Síldarminjasafnið er eitt stærsta sjóminja- og iðnaðarsafn landsins. Og ég fór og skoðaði það og hafði bæði gagn og gaman af. Í þremur ólíkum húsum eru kynnt hvernig síldveiðum og vinnslu á silfri hafsins var háttað.

Halda áfram að lesa

Þóra Björk Schram
Þóra Björk Schram

April 12, 2023

Þóra Björk Schram listakona
Dásamlega fallegu listaverkin hennar Þóru Björk heilla mann með fallegri gleði sinni rétt eins og hún. Heilla svo að það gleður mig að deila því með ykkur og benda ykkur á hana.

Halda áfram að lesa