Hólar farm

May 25, 2022

Hólar farm minizoo in Iceland 
Það var skemmtileg upplifun að heimsækja dýragarðinn á Hólum og hitta þar hana Rebekku sem á og rekur hann ásamt manni sínum og fjölskyldu. 

Á bænum má finna fjöldan allan af dýrum eins og geitur, hesta, svín, hunda, ketti, kanínur, kalkúna, kindur, lömb, hænur og ekki má gleyma hinum yndislega Krumma sem talar og segir t.d. nafnið sitt ofl. Krummi varð líka heimsþekktur þegar hann tók að sér hlutverk í þáttaseríunni Kötlu sem komu út á Netflix. 

Frá fyrsta stoppi var glens og grín, dýrin kynnt hvert af fætur öðru. Sum þeirra léku meira segja lystir sínar fyrir okkur og ég brosi enn þá allan hringinn þegar ég hugsa um sögurnar sem hún segir svo skemmtilega frá hún Rebekka að ég vil ekki taka það frá ykkur að upplifa þær sjálf. Hún hefur einstakt lag á dýrunum og það er greinilegt að þau elska hana og þarna leið mér eins og öll dýrin væru vinir í skóginum.

Ég vildi að ég gæti sagt ykkur skemmtilegu sögurnar hennar Rebekku en þá skemmi ég skemmtunina fyrir ykkur en ég brosi ennþá þegar ég hugsa um þær.

Það ríkir mikil ást og hlýja þarna á milli og Svínka er ekki spar á kossana.

Hann Gummi bræddi mig alveg, þvílíkur knúsari sem hann var.
     
Það er svo gott að fá svona knús

Brosmildur 

Krummi leikari sem lék í Netflix þáttunum Kötlu. Hann kann að segja nafnið sitt og mamma ofl.

Hann er mikill eggja kall hann Krummi

Og deilir því bróðurlega með hænunum, góður strákur hann Krummi 

Ég mæli með heimsókn á Hólar farm, hvort heldur ein/einn eða með fjölskyldunni og börnin og ekki gleyma barninu í ykkur, það þarf að fá að koma út að leika endrum og eins. 

Ég naut þess að leyfa barninu í mér leika sér og njóta en ég hef alltaf verið mikil dýrakona. 

Feisbókarsíðuna þeirra má finna hérna

Hólar, Búðadalur, Iceland 371

Myndir & texti
Ingunn Mjöll

---

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Blogg & greinar!