Brút restaurant!
February 28, 2023
Brút restaurant Minn veitingastaður þann 20.febrúar 2023.
Naut þess að dekra við sjálfa mig þetta árið og skellti mér út að borða og stóðst maturinn allar mínar væntingar.
Mæli með!
Ég var búin að láta mig dreyma um Ferska skötu í langan tíma og ákvað því að gera mér dagamun á sjálfan afmælisdaginn.
Ég kom frekar snemma og naut þess að vera þarna í rólegheitunum eins og sjá má á myndunum.
Fyrst var komið með ilvolgt brauð með dúnamjúku smjöri sem var himneskt.
Skötubarð með kapers, dásamlega bragðgott og ekkert í líkingu við kæsta skötu, heldur ferskt og gott á heimsmælikvarða. Mæli 100% með
Meðlætið kitlaði bragðlaukana mína líka svo um munaði, gulrætur og smælki með sætmauki.
Ég hafði fyrr um daginn fengið mér kaffi á öðrum stað og keypt mér bollur til að eiga í eftirmat seinna um kvöldið því ég hafði ekki fengið eina einustu bollu og dagurinn minn var sjálfur Bolludagurinn að þessu sinni en oftar en ekki hef ég deilt honum með öllum konum landsins á sjálfan konudaginn, mikill heiður!
Næst sleppi ég klárlega ekki rúllandi eftirréttum og ostum, er mjög spennt.
Hérna er hægt að skoða
matseðilinn
Brút restaurant er staðsettur á Pósthússtræti 2 Reykjavík
Ég hef hreyrt frá þó nokkrum sem mæla með matnum. Virkilega girnilegur matseðill, mitt mat.
Hvert fer ég næst!
Fylgist með...skráið ykkur fyrir fréttabréfi á síðunni, þarna neðst niðri.
Njótið vel og deilið eins og vindurinn!
Texti & myndir
Ingunn Mjöll
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Einnig í Umfjallanir
![Birna kerti]()
July 13, 2023
Birna Sigurbjörnsdóttir er eigandi af Birna kerti
Ég og Sólveig skelltum okkur á námskeið hjá henni Birnu þann 11.júní 23 þar sem við fengum innsýn í kerta gerð og endurnýtingu á kertum, dásamlegt námskeið og persónulegt þar sem við fórum síðan heim með tvö kerti sem við gerðum alveg sjálfar.
Halda áfram að lesa
![Síldarminjasafn Íslands]()
April 17, 2023
Síldarminjasafn Íslands
Síldarminjasafnið er eitt stærsta sjóminja- og iðnaðarsafn landsins. Og ég fór og skoðaði það og hafði bæði gagn og gaman af. Í þremur ólíkum húsum eru kynnt hvernig síldveiðum og vinnslu á silfri hafsins var háttað.
Halda áfram að lesa
![Þóra Björk Schram]()
April 12, 2023
Þóra Björk Schram listakona
Dásamlega fallegu listaverkin hennar Þóru Björk heilla mann með fallegri gleði sinni rétt eins og hún. Heilla svo að það gleður mig að deila því með ykkur og benda ykkur á hana.
Halda áfram að lesa
