Soðið rauðkál
Gamaldags og pottþétt rauðkálsuppskrift. Þeir sem einu sinni hafa komist upp á að sjóða rauðkálið sitt sjálfir láta sér ekki niðursoðið rauðkál duga þaðan í frá. Allavega ekki á hátíðisdögum.
1 kg rauðkál
2 epli
400 ml vatn
2 msk rauðvínsedik
3 msk sykur, eða eftir smekk
3 msk rifsberjahlaup
nýmalaður pipar
salt
Rauðkálið þvegið og snyrt og síðan skorið í mjóar ræmur.
Eplin afhýdd, kjarnhreinsuð og skorin í bita og kálið og eplin sett í nokkuð stóran pott.
Vatninu hellt yfir ásamt edikinu, hitað að suðu og látið malla við hægan hita í um hálftíma, eða þar til kálið er vel meyrt.
Sykri og rifsberjahlaupi bætt í pottinn ásamt svolitlum pipar og salti og látið malla í nokkrar mínútur í viðbót.
Smakkað og bragðbætt með rifsberjahlaupi eða ediki eftir smekk.
Og svo fékk ég þessa uppskrift hjá vinkonu minni sem var mjög góð
Rauðkál
1 miðlungsstór rauðkálshaus, fjarlægið kjarnan og skerið niður smátt
2 græn epli, ég notaði reyndar rauð sem var mjög gott (skerið niður í teninga)
1 dl rauðvínsedik, má bæta við ef vill, smakkið til
1 dl sykur, ég bætti við smá hunangi líka
1 dl óblandaður Sólberjasafi
1/2-1 tsk salt
1 msk smjör/smörvi
bætið svo úti 4-5 negulnöglum, margir bæta saman við líka kanilstöngum til að fá jólailminn.
Sjóðið niður í stórum potti og látið suðuna koma hægt upp og látið svo malla í alveg í 1 1/2 - 2 tíma. Gott er að smakka til og bæta þá við smá sykri/hunangi ef það er of súrt.
Rauðkálið geymist alveg í kæli í um það bil viku.
Njótið vel og deilið eins og vindurinn.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Sætkartöflusalat!
Bjó til líka þetta æðislega sætkartöflusalat sem hentaði einstaklega bæði með rauðsprettunni sem ég var með og eins bleikjunni daginn eftir. Ég gerði mína eigin útgáfu af salatinu sem hentar fyrir 2 eða í tvær máltíðar fyrir einn. Læt þau bæði fylgja hérna með og þið veljið hvort hentar ykkur betur.
Kartöflugratín!
Ég bjó til þetta kartöflugratín á gamlársdag 2024 og bar fram með Túnfisksteikinni og eins og alltaf einstaklega gott með smá tvisti.
