Kartöflusalat með rauðrófum, kummini, eplum og eggjum
Skellti í þetta kartöflusalat um daginn loksins. Búin að vera með þessa uppskrift lengi í fórum mínum eins og svo margar aðrar. Ég notaði reyndar venjulegt majones en mæli virkilega með því að nota léttmajones frekar og jafnvel aðeins meira af því en 1 dl, þið finnið út úr hvað hentar ykkur.
500 gr kartöflur, soðnar og kældar
1 grænt epli
100 gr niðursoðnar rauðrófur
1 dl léttmajónes
1 tsk kummin
Salt
Númalaður pipar
2 egg, harðsoðin
Sneiðið kartöflurnar. Skrælið eplið, kjarnhreinsið það og skerið í sneiðar og skerið rauðrófurnar í strimla.
Setjið allt hráefnið, nema eggin, í skál og blandið vel saman.
Dreifið eggjunum að síðustu yfir.
Svo getur maður sneitt marinerað síldarflak útí,
þá erum við komin með þetta fína jóla síldarsalat,
voða gott með góðu grófu brauði.
Dásamlegt ef deilt er áfram
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Bökuð kartafla með fyllingu!
Hérna er ég með bakaða kartöflu fyllta með kotasælu með hvítlauk og pipar, beikoni og blaðlauk, toppaða með bræddum osti. Hérna er bara ein á ferð þar sem ég var að prufa þessa útgáfu og mér fannst hún æðisleg og næst ætla ég að prufa aðra útfærslu og mun deila henni hérna með ykkur líka.
Satey kartöflugratín!
Óhefðbundið kartöflugratín sem var alveg rosalega gott og hentar vel með fisk, kjúklingaréttum, indverskum og lambakjöti. Einstaklega einfaldur og fljótlegur.
Sætkartöflusalat!
Bjó til líka þetta æðislega sætkartöflusalat sem hentaði einstaklega bæði með rauðsprettunni sem ég var með og eins bleikjunni daginn eftir. Ég gerði mína eigin útgáfu af salatinu sem hentar fyrir 2 eða í tvær máltíðar fyrir einn. Læt þau bæði fylgja hérna með og þið veljið hvort hentar ykkur betur.
