Kartöflusalat
Það eru til svo margar útfærslur af kartöflusalati að það er ákveðin áskorun á mig að prufa þær nokkrar og koma hérna inn en hérna kemur sú fyrsta.
2 kg soðnar og skrældar kartöflur
2 dl. majónes
1 dós sýrður rjómi
2 msk. safi af súrsuðum gúrkum
4 tsk. dijonsinnep (má vera annað
1/2 tsk. sykur
3 soðin egg (má vera meira )
1 stk. rauðlaukur saxaður smátt (má vera venjulegur)
2 stilkar sellerí saxað
2 msk. súrar gúrkur saxaðar
smá pipar (nýmalaður)
Brytjið kartöflurnar í teninga (magn eftir smekk og þörf).Hrærið saman majónesi og sýrðum rjóma.
Bætið sinnepi, safa af gúrkum, sykri og pipar samanvið. Laukur, sellerí og súrar gúrkur því næst settar útí.
Svo kartöflur og grófbrytjuð eggin sett útí og blandað varlega saman. Saltið ef vill.
Gott er að að gera salatið nokkru áður en snætt er allt að 8 tímum.
Geymið í kæli en ágætt er að leyfa því standa aðeins í stofuhita áður en boriðer fram.
Ef eitthvað er ekki til er ekki málið að breyta eða sleppa einhverju. Ég nota t.d. oft epli í stað sellerís.
Og SS sinnep eða Franskt Sætt sinnep
Ath að uppskriftina má minnka niður miðað við fjölda.
Njótið & deilið með gleði
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Balsamik sveppir
Fann þessa uppskrift á netinu og langaði að prufa hana, algjört sælgæti fyrir þá sem elska sveppi.
Soðið rauðkál
Gamaldags og pottþétt rauðkálsuppskrift. Þeir sem einu sinni hafa komist upp á að sjóða rauðkálið sitt sjálfir láta sér ekki niðursoðið rauðkál duga þaðan í frá. Allavega ekki á hátíðisdögum.
