Brúnaðar kartöflur!
Eða sykraðar kartöflur henta ljómandi vel með ýmsum hátíðarmat eins og t.d. lambinu, hryggnum, lærinu og svo hamborgahryggnum á jólunum svo fátt eitt sé nefnt.
Sumir nota bara sykur og sleppa smjörinu og rjómanum eða það geri ég, nota bara sykur og set botnfylli á pönnuna af honum.
Ég skræli alltaf kartöflurnar áður en ég sýð þær og ég persónulega nota rauðar kartöflur, mér finnst þær haldast mikið betur saman, eru ekki eins mjölmiklar eins og Gullauga en fyrir stór matarboð nota ég stundum forsoðnar.
En hérna er svo önnur uppskrift til að styðjast við.
1 kg soðnar kartöflur
300 gr sykur
30 gr smjör
Sletta af rjóma
Bræðið sykurinn á pönnu við vægan hita og fylgist vel með að hann brenni ekki.
Bætið smjörinu út í þegar sykurinn er farinn að brúnast og hrærið.
Þá má setja smá gusu af rjóma út í og hræra vel en má sleppa.
Karftöflurnar settar út í og velt upp úr karamellunni.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Bökuð kartafla með fyllingu!
Hérna er ég með bakaða kartöflu fyllta með kotasælu með hvítlauk og pipar, beikoni og blaðlauk, toppaða með bræddum osti. Hérna er bara ein á ferð þar sem ég var að prufa þessa útgáfu og mér fannst hún æðisleg og næst ætla ég að prufa aðra útfærslu og mun deila henni hérna með ykkur líka.
Satey kartöflugratín!
Óhefðbundið kartöflugratín sem var alveg rosalega gott og hentar vel með fisk, kjúklingaréttum, indverskum og lambakjöti. Einstaklega einfaldur og fljótlegur.
Sætkartöflusalat!
Bjó til líka þetta æðislega sætkartöflusalat sem hentaði einstaklega bæði með rauðsprettunni sem ég var með og eins bleikjunni daginn eftir. Ég gerði mína eigin útgáfu af salatinu sem hentar fyrir 2 eða í tvær máltíðar fyrir einn. Læt þau bæði fylgja hérna með og þið veljið hvort hentar ykkur betur.
