Rjómaterta

September 07, 2020

Rjómaterta

RJÓMATERTA 
Íslenska rjómatertan í öllu sínu veldi.
Það er ekki oft sem maður fær orðið ekta flotta rjómatertu en þær eru bara alltaf góðar, það er bara eitthvað svo sérstakt við þær, eitthvað sem við þekkjum.

Botnar: 

4 egg 
4 dl flórsykur 
1 dl hveit 
1 dl kartöflumjöl 
1 tsk lyftiduft
Vanilludropar

750 ml rjómi (3 pelar) 
Hálfdós kokteilávextir

Egg og sykur þeytt saman þar til blandan er létt og ljós.
Sigtið þá þurrefnin saman við, setjið vanilludropa í og hrærið varlega saman með sleif. Hellið í tvö vel smurð tertumót og bakið við 180°C í 10–15 mínútur.


Þegar botnarnir eru alveg kaldir er vætt í þeim með ávaxtasafanum úr dósinni. Síðan eru 250 ml af rjóma þeyttir vel og ávöxtunum blandað saman við. Þetta er sett ofan á botninn og hinum svo skellt yfir. Þá er restin af rjómanum þeyttur og kakan smurð með rjóma og síðan skreytt, bæði hliðar og toppur. Tilvalið að nota rauðu kokteilberin úr blöndunni til að skreyta – hér gildir að nota ímyndunaraflið. Best að gera kökuna deginum áður.

Hver og einn skreytir svo eins og hann vill en þessi fallega terta var skreytt af henni Margréti Baldursdóttir (Möggu) og var í fermingarveislu núna um daginn.

Ekta gamaldags rjómaterta!

3-4  egg
2 dl sykur
1 1/2 dl hveiti (ca einn bolli)
1/2 – 1 teskeið lyftiduft
1 matskeið kartöflumjöl
Þeytið egg og sykur saman
Bætið þurrefnunum varlega saman við og hrærið vel.
Setjið í tvö tertumót
Bakið við ca. 180°C hita í um 30 mín.
Kælið botnana

1 heil dós af koktelávöxtum
1 l rjómi
Setjið annan botninn á tertudisk og dreifið hluta af safa af kokteilávöxtum á (stundum einnig karamellubúðing)
Stífþeytið rjóma, blandið helmningnum af kokteilávextum í rúmlega þriðjunginn af rjómanum og setjið á botninn.
Látið hinn botninn ofan á, vætið með restinni af safanum. Skreytið með rjómanum og ávöxtum.




Skildu eftir athugasemd


Einnig í Kökur

Rúgbrauðsterta
Rúgbrauðsterta

September 07, 2020

Rúgbrauðsterta
Ég hef oft heyrt um minnst á blessuðu Rúgbrauðstertuna en aldrei smakkað hana þar til núna sumarið 2020 á ferðalagi mínu um landið en það var á glænýju kaffihúsi á Hafnarhólmanum Borgarfirði eystri

Halda áfram að lesa

Súkkulaði banana terta
Súkkulaði banana terta

June 17, 2020

Súkkulaði banana terta
Hérna eru tvær útfærslur á uppskriftinni af Súkkulaði banana tertunni, önnur þeirra er mæld í gr en hin í bollum. Þessi tiltekna kaka sem hérna má sjá á 

Halda áfram að lesa

Peruterta
Peruterta

May 21, 2020

Peruterta með ljósu kremi 
Þegar ég var að alast upp þá var þessi terta alveg ómissandi í öllum afmælisboðum, fermingu ofl tilefnum og síðan þá hef ég bara ekki bakað hana þar til núna!

Halda áfram að lesa