Marensterta með bleiku súkkulaði
Í tilefni að bleikum október mánuði og 87.ára afmæli móður minnar þann 22.október 2023 þá ákvað ég að baka eina af uppáhaldstertunum okkar en í nýjum búningi.
Hráefni:
5 eggjahvítur
2 stórir bollar/könnur af flórsykri
Stífþeytið þetta tvennt saman
100 gr suðusúkkulaði, saxað niður smátt
1/2 líter rjómi
100 gr af hvítu súkkulaði
1/2 dl af Karamellu kurli frá Sírius
Bleikan kökulit
Kökuskraut
Eggjahvítur og flórsykur stífþeytt saman svo að standi svona eins og sjá má á myndinni.
100 gr suðusúkkulaði, saxað niður smátt og hrært varlega saman við.
Smyrjið form vel og setjið jafnt í þau. Setjið inn í kaldann ofn og bakið á 150°c í 45 mínútur á blæstri.
Tilbúnir. Gott er að leysa þá í forminu og setja á disk og bökunarpappír og leyfa þeim að kólna áður en rjóminn er settur á.
Þeytið rjóman og setjið á tertuna. Tæplega hálfur líter af rjóma dugar og setjið svo ofan á rjómann Karamellukurl frá Síríus.
Leggið varlega hinn helminginn ofan á.
Bræðið hvítt súkkulaði yfir vatnsbaði
Setjið smá kökulit saman við
Og blandið vel saman
Skeytið svo tertuna með bleika súkkulaðinu en ath að þarna notaði ég 200 gr af súkkulaði sem var allt of mikið og harnaði í ísskápnum (var samt mjög gott) en of hart. Maður lærir af reynslunni og getur þá miðlað því áfram.
Ég skreytti hana svo með dásamlega fallegu kökuskrauti sem ég keypti hjá Sprinkle.is
Njótið & deilið að vild
Vertu velkomin að koma og vera með í Köku & baksturs hópnum á facebook
Uppskrift og myndir
Ingunn Mjöll
