Hjónabandssæla Ástu frænku
Þegar ég hugsa um Hjónabandsælu þá hugsa ég alltaf um Ástu frænku, systir móður minnar en þaðan er þessi uppskrift komin og ég man hvað hún var alltaf góð og frænka duglega í bakstrinum.
4 bollar haframjöl
2 bollar hveiti
1 bolli sykur
250 gr smjörlíki
1 tsk natron
1 tsk ger
Allt hrært saman, sulta sett á milli.
Önnur uppskrift:
3 bollar haframjöl,
2 ½ bolli hveiti,
1 tsk natron,
1 tsk lyftiduft,
250 gr smjör eða smjörliki,
2 bollar púðursykur,
2 egg,
Rabbabarasulta eða önnur gerð eftir smekk.
Blandið saman þurrefnum, brytjið smjöri saman við og bleytið i með egginu.
Hnoðið deigið.
Fletjið um það bil tvo þriðju af deiginu út og setjið í smurt form.
Smyrjið sultu yfir.
Myljið afganginn af deiginu yfir eða fletjið það út og skerið í strimla og leggjið yfir.
Bakið kökuna við 200°c.
Vertu velkomin að koma og vera með í Köku & baksturs hópnum á facebook
Er engin vökvi í fyrri uppskriftinni? degið er mjög þurrt. Ég bætti einu eggi við og þá rétt hékk það saman
Athugasemdir verða samþykktar áður en þær birtast.
Ingunn Mjöll
January 25, 2026
Sæl Margrét og takk fyrir fyrirspurnina.
Samkvæmt þeirri uppskrift þá er hún eggjalaus en hin með eggjum. Gömul uppskrift og því miður ekki hægt að spyrja viðkomandi en gott að þú bættir eggi saman við, 2 hefðu verið í lagi samkvæmt þessari fyrir neðan. Fyrir þá sem vilja eggjalaust, þá er spurning um að bæta einhverjum vökva við ef hún er of þurr og helst ekki saman.
Mínar bestu kveðjur
Ingunn Mjöll/Islandsmjoll