Yoshida's hrígrjóna & núðluréttur
Þar sem ég er að öllu jafna ein í heimili þá elda ég oft fyrir tvo daga í einu sem er algjör snilld finnst mér en til að hafa tilbreytinguna í eldamennskunni þá breyti ég oft um undirstöðuna eins og hérna. Fyrri daginn þá var ég með hrísgrjónarétt og þann seinni núðlurétt, annað hráefni var það sama en það er líka leikandi létt hægt að breyta meðlætinu ef maður vill.
Rauð paprika, perlulaukur og niðurskornir sveppir
Þarna má sjá sósuna sem ég notaði á réttina en hana keypti ég í Costco. Vel er hægt að nota aðra sambærilega.
Soðin hrísgrjón, 1 poki
Fyrir þessa tvo daga notaði ég:
1 kjúklingabringu, skar hana í bita og steikti á pönnu
Skar niður hálfa papriku, nokkra sveppi og svo rauðlauk/perlulauk og steikti allt saman á pönnunni upp úr Olívuolíu.
Síðan sauð ég 1 poka af hrísgrjónum og þegar þau voru tilbúin þá hellti ég sósunni yfir grjónin og bætti svo helmingnum af kjúklingaréttinum saman við.
Gott er að byrja á að hella eins og 1/2 dl og bæta frekar við eftir smekk svo að það verði ekki of blautt.
Daginn eftir þá notaði ég hinn helminginn af hráefninu nema í staðinn fyrir hrísgjónin sauð ég núðlur, hæfilega mikið magn fyrir einn. Hellti svo 1/2 dl af sósunni yfir og hrærði öllu saman. 
Alltaf svo gaman að skreyta smá með sumarblómunum yfir sumartímann.
Njótið & deilið með vinum..
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
Kjúklingaleggir í pasta-rjómasósu!
Hérna er á ferðinni einn afar einfaldur og góður kjúklingaréttur þar sem ég nota kjúklingaleggi en hæglega er hægt að vera með aðra kjúklingabita í honum, allt eftir smekk. Örfá hráefni og hæglega hægt að skipta út sósunni t.d. fyrir aðra sambærilega sem þið eigið hugsanlega til í skúffunni ykkar.
Einfaldur Butter chicken!
Oftar en ekki þegar ég kaupi mér tilbúin kjúkling, heilan eða hálfan þá verður úr honum margar máltíðir fyrir einn. Ég ætla að deila þeim hérna með ykkur. Þetta var háflur kjúklingur og úr honum urðu 3 mismunandi máltíðir.
