Villigæsabringa
Það er fátt betra en djúsí villibráð og þá er villigæsin alveg á topplista hjá mér og ekki verra að hafa uppskrift til að styðjast við.
Bringur af tveimur villigæsum
Salt (gróft)
Pipar svartur úr kvörn
Matarolía 2 msk
Smjör 50 gr.
Sósan:
Perlulaukur 300 gr hreinsaðu
Sykur 4 msk
Rauðvín 2 dl
Rauðvínsedik 3 msk
Sveppir 200 gr, gjarnan villisveppir
Smjör 25 gr
Blóðberg 1 teskeið
Eða timjan 1 tsk
Lárviðarlauf ½ blað
Gæsasósa 3 dl
Smjör 50 gr kalt skorið í bita
Salt og pipar
Úrbeinið gæsabringurnar og kryddið með salti og pipar. hitið ofninn í 150°C hitið síðan olíu og smjör á pönnu, brúnið bringurnar rólega í 5-10 mín.
Takið þær þá af pönnunni og setjið í ofninn í um 10 mín á meðan sósan er löguð.
Brúnið perlulaukinn á pönnu.
Þegar laukurinn hefur brúnast, stráið sykrinum út á og látið hann verða að karamellu.
Hellið víni og ediki út á þegar laukurinn er orðinn vel gljáður og sjóðið þetta síðan þar til helmingurinn er eftir.
Hellið lauknum og rauðvínsleginum af pönnunni í skál og haldið því heitu.
Setjið nú smjör á pönnuna og brúnið sveppina.
Stráið kryddinu út á og látið það fá á sig örlítinn lit. hellið þá lauknum í rauðvínsleginum út í og gæsasósunni einnig.
Látið sósuna sjóða og samlagast vel, kryddið með salti og pipar ef þurfa þykir.
Berið villigæsabringurnar fram með sósu og perlulauk.
Uppskrift frá Gulla
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Kjúklinganochos!
Einn af þessum réttum sem alltaf eru sígildir og góðir, Minnsta mál er að skipta út kjúkling fyrir hakk t.d. ef maður vill breyta til.
Grillaður kjúklingur/reyktur!
Hérna var ég með tvennskonar kjúklinga í matarboði fjölskyldunnar, annarsvegar venjulegan en hins vegar reyktan og við elskum bæði. Afgangana nýtti ég svo vel og deili því hérna með ykkur sem hugmyndum hvernig hægt er að nýta allt upp til agna eða því sem næst.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
