- Heim
- Blogg
- Vörur til sölu
- Uppskriftir
- Hafa samband
Sítrónu kjúklingur
Æðislega góður réttur og safaríkur. Uppskrift frá Dísu vinkonu minni, beint frá Þýskalandi.
2-3 kjúklingalæri eða annan kjúkling
Sítrónuolía og Ólívuolía (ég notaði eingöngu sítrónuolíuna)
1 sítróna (raspið húðina af henni ofan á kjúklinginn)
Safann úr sítrónunni
Hvitlaukur, nokkur rif eftir smekk, skorinn í sneiðar
Engifer rifin niður, má sleppa
Salt, pipar og papriku krydd
Kartöflur, skornar í sneiðar
Rauðlaukur, skorinn í báta
1/2 Sítróna, skorin í hálfar sneiðar
Hellið olíunni yfir kjúklinginn og kryddið hann á báðum hliðum og látið hann bíða svo yfir nótt í ísskápnum og veltið honum svo yfir á hina hliðina.
Raðið kartöflunum, rauðlauknum og sítrónusneiðunum í kringum kjúklingana og kreistið safann úr sítrónunni yfir kjúklingana og bætið við smá olíu ef ykkur finnst vanta. Leggið svo Timían og Rósmarín ofan á kjúklingana.
Látið álpappír yfir eldfasta mótið og takið hann svo af síðustu 10 mínúturnar, gott er að hella safanum sem kemur yfir kjúklinginn nokkrum sinnum á meðan.
Eldaður í um 45-55 mínútur á 200°c
Deilist með gleði..
Tips dagsins:
Þegar keyptar eru kryddjurtir þá eiga þær til með að skemmast þegar maður notar þær ekki allar á stuttum tíma og þá er snilld að setja þær í frystipoka og skella í frystinn og kippa út næst þegar vantar krydd.
Svo er ágætt að merka pokana líka með hvaða krydd þetta eru og dagsetningar.
