Mango Chutney kjúklingur
Meiriháttar góður réttur, algjör sælkera að mínu mati. Ég minnkaði hann reyndar lítilega sem kom ekki að sök og var með hrísgrjón með og ferskt salat.
fyrir 4 
4 kjúklingabringur
1 rauð paprika
1/2 búnt fersk basil
2 hvítlauksgeirar
2 msk mangó chutney frá Patak's
2 msk kjúklingakraftur
1 tsk kínversk soja
1 1/2 dl vatn
Salt og pipar
2 dl sýrður rjómi (hvaða fitu sem er, en sú feitasta er best)
1 1/2 dl rjómi
1) Skerið kjúklinginn í smærri bita, hverjar bringu í t.d. fjórar lengjur, saxið paprikuna líka í smærri bita. Byrjið á því að steikja kjúklinginn í smá ólífuolíu þar til hann er eldaður í gegn. Bætið svo paprikunni saman við. Steikið með því þar til það mýkist.
2) Saxið basilíkuna smátt. Þrýstið hvítlauksrifunum ofan í kjúklinginn, bætið við basil, mangóchutney, kjúklingakrafti, soja, salti og pipar. Hrærið aðeins og hellið svo vatninu út í. Látið malla í um það bil 5 mínútur, hrærið af og til.
3) Bætið við sýrða rjómanum og rjóma, látið malla í um það bil 5 mínútur í viðbót, hrærið af og til. Þykkið aðeins með maizena mjöli í restina.
4) Setjið basilíkublöð á áður en borið er fram til skreytingar.
Ég sauð hrísgrjónin og setti þau svo í botninn á eldföstu móti
Svo setti ég kjúklingaréttin yfir hrísgrjónin og skreytti lítilega með fersku balsamik frá Lambhaga
Ég útbjó fullt af salati með, svo gott að eiga líka tilbúið daginn eftir
1 pakki af Lambhaga salati
1/2 rauðlaukur
8-10 litlir tómatar, skornir niður í 4 parta eða sneiðar
1/4 agúrka, niðursneidd
1/2 paprika
Fetaost, sem ég set alltaf með til hliðar og hver og einn fær sér
Dásamlega góður og safaríkur réttur með nýju salati
Svo finnst mér líka rosalega gott að bæta yfir sinnepssósu eða balsamik svona eftir því hvað mér finnst eiga við.
Velkomið að deila áfram, hjartans þakkir fyrir það.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Kjúklinganochos!
Einn af þessum réttum sem alltaf eru sígildir og góðir, Minnsta mál er að skipta út kjúkling fyrir hakk t.d. ef maður vill breyta til.
Grillaður kjúklingur/reyktur!
Hérna var ég með tvennskonar kjúklinga í matarboði fjölskyldunnar, annarsvegar venjulegan en hins vegar reyktan og við elskum bæði. Afgangana nýtti ég svo vel og deili því hérna með ykkur sem hugmyndum hvernig hægt er að nýta allt upp til agna eða því sem næst.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
