Kjúklingaréttur með Thai-Satey sósu og kús kús
Fyrir 4-6 
Alveg magnaður og hollur kjúklingaréttur með Thay Satey-sósu, kús-kús og mörgu góðu grænmeti.
Fékk þennan rétt í matarboði hjá Ingu Báru fyrir norðan á Akureyri og þótti hann algjört æði þar á bæ og svo eldaði ég hann sjálf um daginn og vinkonur fengu að smakka og nú er hann á leið á fleirri matarborð eins og eldur í sinu.
Bætti bínulitlu af grænmeti í hann og er öllum sjálfsagt að gera það sama.
Svo hér kemur uppskriftin fyrir ykkur og verið ykkur að góðu. 
3-4 kjúklingabringur
1-2 dósir af Thai Satey-sósu frá Thai Pride (fæst í Bónus)
2-3 desilítrar kús-kús (hreint)
Spínat
1-2 Avakadó
1-2 rauðlaukar
4-5 tómatar
Salthnetur (má líka vera kashew hnetur)
1-2 Paprikur (sem ég bætti í)
Og slatti af vínberjum 
Skerið kjúklingabringurnar í bita og steikið á pönnu í olíu/smjörlíki eftir smekk, sjóðið kús-kús og kælið.
Skerið niður grænmetið. Setjið spínat á bakka eða stórt fat og dreifið því vel yfir.
Því næst setjið kús-kús ofan á spínatið og dreifið því næst öllu grænmetinu ofan á það.
Nú skuluð þið bæta sósunni út á pönnuna á kjúklinginn og látið hitna og dreifið því svo ofan á grænmetið og síðast en ekki síðst, dreifið hnetunum yfir allt. 
Borið fram með góðu brauði eða smá kexi.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Kjúklinganochos!
Einn af þessum réttum sem alltaf eru sígildir og góðir, Minnsta mál er að skipta út kjúkling fyrir hakk t.d. ef maður vill breyta til.
Grillaður kjúklingur/reyktur!
Hérna var ég með tvennskonar kjúklinga í matarboði fjölskyldunnar, annarsvegar venjulegan en hins vegar reyktan og við elskum bæði. Afgangana nýtti ég svo vel og deili því hérna með ykkur sem hugmyndum hvernig hægt er að nýta allt upp til agna eða því sem næst.
Butter Chicken!
Ég fékk smá glaðning frá ferðaskrifstofunni Fiðrildi.is sem hún Ásdís Guðmundsdóttir á og rekur, sem var skemmtileg uppskrifta bók frá Indlandi og vel valin krydd frá samstarfsaðila þeirra úti, henni Jenny D'Souza.
