Indverskur butter kjúklingur

October 28, 2022

Indverskur butter kjúklingur

Indverskur butter kjúklingur
Butter kjúklingur er einn af vinsælustu og þekktustu inversk réttunum ásamt Tikka Masala og Korma og hefur verið að koma sterkur inn hérna á Íslandi á síðustu árum og hérna er ein uppskrift af honum sem ég bjó til um daginn.

Sagt er í uppskriftinni að best sé að hafa kjötið í mareneringu yfir nótt svo gott sé að vera búið að ákeða matseðilinn fyrirfram. Ég gerði það og fór eftir þessu lið fyrir lið og sé ekkert eftir því, rétturinn var algjör sælkera og ég mæli með. Hef hingað til bara keypt þessar sósur tilbúnar í krukkum, já ég sagði tilbúnar i krukkum, svona til að auðvelda mér matreiðsluna og já, mikið ódýrara, ekki spurning en ég mun leggja þennan á mig aftur, vel þess virði að mínu mati. Svona ekta spari!

Fyrir 4

700 gr kjúklingabringur
2 dl grísk jógúrt
2 tsk engiferrót rifin
1 tsk rifinn hvítlaukur
2 tsk Garamasala
2 tsk túrmerik
1 tsk chilli duft
1 tsk sítrónusafi
1 msk grænmetisolía
3 msk brætt smjör
Salt
Ferskt kóríander

Sósan:
1 tsk rifinn hvítlaukur
1.5 dós af niðursoðnum hökkuðum tómötum
1 msk rifin engiferrót
2 grænir chilli, fræhreinsaðir og skornir niður smátt
1 kanilstöng
2 tsk hunang
2 tsk sítrónusafi
50 gr smjör
1 dl rjómi
8 heilar kardimommur

Blandið saman jógúrt, engifer, hvítlauk, garam masala, túrmerik, chilli dufti og sítrónusafa. Hrærið vel. Skerið kjúklinginn í bita og leggið svo í mareneringuna. Látið ligga í að minnsta kosti 4 tíma, helst yfir nótt ef hægt er.

Byrjið á að hita ofninn í 220°c. Leggið bökunarpappír á ofnplötu og takið kjúklingabitana úr marineringunni. Dreifið þeim á ofnplötuna. Penslið yfir þá með olíu og saltið.

Setið í ofninn og snúið bitunum eftir 10.mínútur. Penslið bitana með bræddu smjöri þegar þeir eru teknir úr ofninum. Setjið kardimommur í mortel og merjið, fjarlægið belginn. Hitið pönnu og ristið kardimommurnar aðeins. Setjið þá helminginn af smjörinu ásamt hvítlauknum og steikið þar til kryddilmurinn liggur í loftinu. Bætið þá við tómötum og látið malla í 5-10 mínútur. Setjið blönduna í matvinnsluvél og maukið. Því næst er sósan sett í gegnum sigti þannig að hún verði silkimjúk.

Bætið smjöri á pönnuna og setjið engifer, chilli, chilli duft og kanil á pönnuna. Látið malla saman í tvær mínútur og hrærið stöðugt. Setjið tómatsósuna út í ásamt kjúklingnum og hunangi. Látið allt malla saman í 10.mínútur. Þá er rjóminn settur út í og smakkað til með sítrónusafanum og salti. Í lokin er niðurskornu kóríander dreift yfir réttinn. 


Naan-brauð
Venjulega eru naan brað bökuð í tandoori ofni. Heimilin hafa ekki slíkar græjur svo það má nota útigrill, vel heita pönnu eða bakarofn er sagt með uppskriftinni.

1 tsk sykur
1/2 bolli volgt vatn
2 1/4 tsk þurrger
2 1/2 bolli brauðhveiti
1/2 bolli hrein jógúrt
1/2 tsk salt
1 msk olía
3 msk brætt smjör

Setjið vatn, sykur og ger í skál. Hrærið og látið standa í um það bil 10.mínútur eða þar til gerið er leyst upp.
Hveiti, ger, jógúrt, salt og olía er hnoðað í hrærivél eða á borði þar til deigið verður mjúkt og fínt. Bætið við vatni ef þarf. Breiðið plastfilmu og viskastykki yfir deigið og látið hefast í klukkustund.

Skiptið deiginu í 8.hluta. Fletjið út í ílöng brauð. Bakið brauðið á vel heitri þungri pönnu. Setjið örlitla olíu á pönnuna og steikið hvert brauð fyrir sig. Þegar deigið byrjar að bólgna snúið því þá við og steikið áfram á hinni hliðinni. Þegar naan brauðið er tekið af pönnunni er það penslað með bræddu smjöri eða hvítlaukssmjöri eftir smekk. 

 
Uppskrift úr Fréttablaðinu
Ljósmyndir Ingunn Mjöll

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni





Einnig í Kjúklingaréttir

Enchilada
Enchilada

October 26, 2022

Enchilada 
Eitt af því sem mér finnst alveg meiriháttar gott og hef útbúið nokkrum sinnum. Pönnukökurnar eru meira svona maiz kökur en ekki eins og venjulegar vefjur.
Þessar keypti ég 4 kassa saman í Costco. (Ekki samstarf)

Halda áfram að lesa

Núðlur með kjúkling í Hoisin sósu
Núðlur með kjúkling í Hoisin sósu

August 14, 2022

Núðlur með kjúkling í Hoisin sósu
Það er auðveldara en maður heldur að útbúa góðan núðlurétt og hráefnin þurfa ekkert að vera mörg né flókin og stundum getur bara verið gott að týna til úr

Halda áfram að lesa

Kjúklingabringur í Balí sósu
Kjúklingabringur í Balí sósu

July 29, 2022

Kjúklingabringur í Balí sósu frá Nings
Ég keypti þessa æðislegu sósu í Litlu Sveitabúðinni að Völlum í Svarfaðardal norðan heiða og var að nota hana núna með kjúklingarétti sem ég bjó til, algjört sælgæti fyrir sælkera.

Halda áfram að lesa