Heilsteiktur kalkúnn með fyllingu
Fyrir 12 manns
Hérna má þakka fyrir allt það góða á meðan þessi er eldaður, það má þakka fyrir lífið, ástina á að elda, nautnina á að borða góðan og vel heppnaðan mat, fólkið sem deilir honum með okkur og svo má líka þakka fyrir góða uppskrift.
1 kalkúnn 6-7 kg. 100 gr.
Bráðið smjör, paprikuduft, salt og pipar
Fylling:
3 gul epli,
½ rauð paprika,
1 laukur,
1 gulrót,
1 sellerístilkur,
250 gr. Sveppir,
2 dl. Pecan hnetur,
6 sneiðar af beikoni,
8 ristaðar brauðsneiðar,
1 msk. Salvía,
1 egg,
100 gr. Smjör til steikingar,
salt og pipar.
Sósan:
50 gr. Smjör,
50 gr. Hveiti,
1 lítri soð úr skúffunni,
2 ½ dl. Rjómi,
½ dl. Sérrí (má sleppa) ,
2 msk. Rifsberjahlaup
Soð í sósuna:
2 l vatn,
1 laukur,
2 gulrætur,
1 sellerístilkur,
10 piparkorn,
1 lárviðarlauf,
2 negulnaglar,
5 kjúklingateningar.
Þerrið kalkúninn að innan og fyllið. Saumið fyrir.
Bindið lærin saman og setjið vængina aftur fyrir bak og penslið með smjöri og kryddið með salti, pipar og paprikudufti.
Steikið í 45 mínútur á hvert kíló við 140° á c í blástursofni (50-55 mín í ofni án blásturs.)
Ausið soðinu úr ofnskúffunni yfir fuglinn á 30 mín fresti. Hækkið hitan í 200-220° á c síðustu 10-15 mín til að fá fallegan og stökkan ham.
Sósan:
Setjið hálsinn og hjartað úr fuglium á grindina með fuglinum.
Setjið 2 l af vatni í skúffuna undir grindina.
Grófsaxið grænmetið og setjið í skúffuna.
Eftir klukkutíma steikingu eru hjartað og hálsinn sett í soðið í skúffunni og látin malla með.
Þegar 30 mín eru eftir, er soðið sigtað í pott og fitan er fleytt ofan af, bakað upp með smjörbollu og bragðbætt með rifsberjahlaupi, rjóma og ögn af sérrí ef vill.
Setja má súputeningar eftir smekk.
Fylling: Saxið laukinn, skerið allt annað í teninga og steikið allt saman í smjöri á stórri pönnu(wok).
Skerið beikonið í smá bita og steiki með. (grænmetið á ekki að brúnast. Takið pönnuna af hitanum.
Afhýðið eplin og skerið í bita.Grófhakkið hneturnar, takið skorpuna af brauðinu og skerið það í teninga.
Bætið olíu á pönnuna og kryddið.
Í lokin er egginu hrært út í og því bætt saman við fyllinguna.
Berið fram með sósu, sætri kartöflumús (eða brúnuðum kartöflum), grænmeti og salati.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Einfaldur Butter chicken!
Oftar en ekki þegar ég kaupi mér tilbúin kjúkling, heilan eða hálfan þá verður úr honum margar máltíðir fyrir einn. Ég ætla að deila þeim hérna með ykkur. Þetta var háflur kjúklingur og úr honum urðu 3 mismunandi máltíðir.
