Vínarsnitzel
Er svo sannarlega eitt af mínum uppáhaldsréttum þegar ég kem til Þýskalands. Vinkona mín þar þekkir sína orðið vel og fer með hana á þá allra bestu þegar ég kem í heimsókn og síðast þá fórum við á stað sem er með sérstöðu með Vínarsnitzel og var það alveg meiriháttar gaman en svo langar mig líka til að benda á að þeir sem fara til Kanarí og þekkja El Duke veitingastað sem allir Íslendingar þekkja,,nú eða kynnast þá fljótt þar sem hann er einsskonar félagsmiðstöð þar en þá verð ég bara að mæla með honum þar (sjá mynd) tekin þar, vel útilátið, passar vel fyrir tvo að deila, ja nema þá sem smella þessu í sig eins og ekkert sé eins og ég gerði einu sinni, haha.
þunnt barðar kálfakjötsneiðar
hveiti
hrært egg
brauðmylsna
steikingarfeiti
Kjötsneiðunum er velt upp úr hveitinu, egginu og mylsnunni og steikt í vel heitri feiti þangað til að þær eru gullbrúnar.
Sígildur vínarsnitsel er borinn fram einn á diski með sítrónusneið og steinselju.
Það má bera agúrku-, grænt- eða kartöflusalat fram með honum á sér diski.
Eða
4 barðar kálfakjötsneiðar
2 msk. sítrónusafi
1 tsk. salt
1 tsk. pipar
1 tsk. paprika
2 egg, létt hrærð
1 bolli brauðmylsna
120 gr smjör
1 sítróna, skorin í þunnar sneiðar
1 msk. fínhökkuð steinselja
Bleytið kjötsneiðarnar með sítrónusafanum og látið standa í 5 mínútur.
Kryddið þær með saltinu, piparnum og paprikunni. Veltið sneiðunum upp úr eggjum og brauðmylsnu.
Bræðið smjörið á stórri pönnu við meðalhita.
Steikið sneiðarnar í smjörinu í 3 til 4 mínútur á hvorri hlið eða þangað til þær verða gullbrúnar.
Skreytið með sítrónusneiðum og steinselju.
Vertu velkomin að koma og vera með í Heimilismatur hópnum á feisbókinni
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
