Svínakótelettur með paprikurjómasósu
Svona svipaðan rétt fékk ég hjá vinkonu minni fyrir ansi mörgum árum síðan og allt í einu langði mig svo í hann svo auðvitað er honum deilt áfram með ykkur.
1.pakki svínakótelettur
1.matreiðslurjómi
1/2 - 1/3 paprikuostur
1.tsk paprikukrydd
1.tsk karrý
salt & pipar
3-4 forsoðnar bökunarkartöflur
Steikið kóteletturnar upp úr smörlíki eða olíu eftir eigin smekk. Kryddið, ég notaði Seson All. Snúið þeim svo við þegar þær eru farnar að brúnast og kryddið.
Látið malla í ca.10-15 mínútur eða þar til kjötið er farið að brúnast en á vægari hita þegar búið er að snúa þeim við svo þær brenni ekki. Takið þær svo af pönnunni og setjið í eldfast mót og inn í ofn með kartöflunum.
Sósan:
Hellið rjómanum á pönnuna og skerið paprikuostinn í bita og bræðið saman við, gott að hræra reglulega og bætið svo kryddinu út i og saltið og piprið eftir smekk í restina og smakkið til. Nota má maizenamjöl til að þykkja sósuna ef vill.
Skerið kartöflurnar í tvennt langsum og setjið á álpappír/eldfast mót og inn í ofn um leið og byrjað er að steikja kjötið. Þegar kjötið er svo sett inn í ofn til að halda heitu á meðan sósan er löguð til þá er gott að setja ostasneiðarnar ofan á þær.
Stráið svo smá oregano ofan á þær í restina og saltflögum áður en þær eru bornar fram.
Njótið vel og deilið að vild.
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
