Steikt Langreyð!

April 26, 2024

Steikt Langreyð!
Ég fékk nýlega gefins smá af Langreyð en það er eitt af því sem ég hef ekki áður borðað né eldað en fyrir um rúmlega 25 árum síðan þá keypti ég oft Hrefnu kjöt sem þótti mjög gott á mínu heimili. Nú ég lét slag standa og skellti mér í að elda langreyðina og hafð með henni ferskt salat, franskar kartöflur og piparsósu frá Toro.

Smakkaðist alveg ágætlega en engu að síður ekki það sama og í minningunni með Hrefnukjötið en ég veit að það eru margir þarna sem elska þennan mat og aðrir sem gera það ekki.

Ég kryddaði kjötið með steikarkryddi og steikti það svo upp úr smjörlíki á pönnu í 5-7 mínútur á hvorri hlið. Skar það svo niður í sneiðar og bar fram með áður upptöldu. Ég sé líka alveg fyrir mér að það gæti verið gott að skella henni í Barbeque sósu og setja hana á grillið.

Franskarnar fóru í Air fryerinn, salatið var útbúið rétt áður og í því var íssalat frá Lambhaga, tómatar, agúka, blaðlaukur og fetaostur og að lokum piparsósa frá Toro þar sem ég gerði hana eftir leiðbeiningum pakkans að þessu sinni.

Þetta þarf ekki alltaf að vera neitt flókið.

Njótið þess að deila uppskriftinni áfram á síðurnar ykkar.

Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.

Vertu velkomin að koma og vera með í Heimilismatur hópnum á feisbókinni

EÐA

Vertu velkomin að koma og vera með í hóp Sælkera á feisbókinni

---

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Kjötréttir