Nautalund mareneruð með Caj P. grillolíu
Ég var með stóra og flotta nautalund um daginn sem hreinlega bráðnaði í munni og gerði hún mikla lukku hjá gestunum mínum.
Ég bar hana fram með rjómapiparsósu, grilluðum aspas, rósinkáli og piparosta rjómasósu. (Við slepptum kartöflunum)
Ég mæli með að þið takið lundina út ca.3-4 dögum áður en á að nota hana. Lundin fékk að standa á eldhúsborðinu yfir nótt hjá mér og ég setti hana svo inn í ísskáp.
Ég snyrti lundina og skar hana í góða bita og setti hana í mareneringu kvöldið áður en ég notaði hana, annað krydd notaði ég ekki, þetta dugar alveg en þeir sem vilja geta saltað og piprað eftir smekk.
1.nautalund (stærð fer eftir gestum)
1.flaska af BBQ oil Caj P.Orginal olíu (fæst bæði litil eða stór) 
Ég sauð síðan aspasinn í smá stund til að flýta fyrir og rósinkálið, ég stráði síðan saltflögum yfir hvorutveggja í eldföstu móti og stráði rifnum Primadonna osti yfir og setti svo inn í ofn í smá stund.
Ég keypti Portobello sveppi og fyllti þá með Philadelphia sweet chili osti, stráði yfir rifnum Primadonna osti og skar niður fylltar ólívur og bætti yfir og það smakkaðist dásamlega vel. Það væri hæglega hægt líka að nota þetta sem stakan rétt.
Síðan er það blessuð sósan, hún fékk góða dóma en í hana notaði ég.
Matreiðslurjóma
Piparost
Piparkorn (nokkur stk.)
Nautakjötkraft frá Oscar og einnig fljótandi
Sósulit
Ég bræddi ostinn út í rjómann og kryddaði svo með kraftinum og smakkaði til þar til ég var ánægð, setti smá pipar og salt líka og svo dekkti ég sósuna með sósulit til að fá hana brúna og bætti svo nokkrum piparkornum útí.
Í mínu tilfelli þá bráðnaði osturinn ekki alveg nógu vel svo ég brá á það ráð að sigta hana svo hún varð silkimjúk og falleg.
Þetta er samsetning sem ég á klárlega eftir að gera aftur og hún gerði mikla lukku, svo ég segi bara verði ykkur að góðu!
Deilið að vild!
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
