Nautagúllas (fljótlegt og gott)
Stundum er gott að einfalda hlutina frekar en að flækja þá of mikið og hérna kemur ein ofureinföld!
500 gr.nautagúllas
1.pk sveppir
2-3 gulrætur, skornar niður, má sleppa
3-4 lárviðarlauf
1.pk brún sósa eða pk.af Stroganoff eða Gúllassósa sem fæst í Pólsku búðinni í Breiðholtinu, hún er stórfín.
1/2.líter af vatni eða þannig að það fljóti yfir kjötið 
Steikið kjötið vel á öllum hliðum og kryddið eftir smekk.
Setjið smjörklípu í pott og nautakjötið útí og steikið á öllum hliðum og kryddið eftir smekk.
Hellið svo vatni yfir og bætið nokkrum lárviðarlaufum útí, sveppunum og gulrætunum, látið malla 1-2 tíma. (því lengur, því meirara verður það.
Hellið svo sósu pakkanum útí og látið þykkna eða útbúið ykkar eigin úr soðinu.
Kartöflumús:
Skrælið 1.kg af kartöflum og sjóðið í ca.20 mínútur
Hellið vatninu af kartöflunum og notið kartöflustappara til að mauka þær niður,
bætið við smjörklípu, smá salti og bætið út í mjólk þar til létt og ljúf meðferð er komin á og sykrið þá eftir smekk.
Berið fram með rabarbara sultu eða rifsberja sultu.
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
