Enchiladas með nautahakki
Eitt af mínu uppáhalds, hvort heldur með kjúkling eða nautahakki og svo er snilld að frysta ef afgangur er og eiga þangað til seinna.
Ég bæti oft saman við líka papriku, gulrótum og blaðlauk en það er vel hægt að leika sér með fyllinguna.
Fyrir 4
Kryddsósa:
1 pakki Casa Fiesta Burritos mix
3 ½ dl vatn
Hitið ofninn í 175°c. Sjóðið Casa Fiesta Burritos mix og vatn saman í 5 mín. Geymið.
Fylling:
1 laukur, saxaður
2 hvítlauksgeirar, saxaðir
2 msk olía
450-500 gr nautahakk
1 pakki Casa Fiesta Seasoning Mix
1 dl vatn
3 tómatar, saxaðir eða saxaðir tómatar úr dós
Að eigin vali má bæta öðru hráefni saman við eins og gulrótum, papriku, brokkólí svo fátt eitt sé nefnt.
Steikið lauk og hvítlauk í olíu.
Bætið hakki út í og steikið þar til það er vel brúnað.
Bætið Casa Fiesta Mix Seasoning Mix út í ásamt vatni og tómötum og látið malla í 5 mín á opinni pönnu. Ég bætti svo líka saman við smátt skornum gulrótum og smá af papriku.
1 pakki Casa Fiesta Corn Tortillas
200 gr rifinn ostur
Dýfið tortilla-köku í kryddsósuna, ég reyndar gerði það ekki, setjið fyllingu í miðjuna og rúllið kökunni upp.
Ég setti annan pakkann af kryddsósunni út í blönduna og hinum pakkanum helti ég yfir kökurnar.
Farið eins að við afganginn af tortilla-kökunum.
Raðið kökunum í eldfast mót, stráið rifnum osti yfir og bakið í 7-10 mín.
Í þetta sinn þá var ég með Doritos með og heita ostasósu.
Vertu velkomin að koma og vera með Brauðtertur & heitir réttir hópnum á feisbók
EÐA
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
