Chili con carne
Hversu dásamlega góður réttur hann er, meðalstrerkur, sterkur, þú ræður ferðinni þar, bætir bara um betur með chilli ef þú vilt loga en svo er bara líka gott að fara meðalveginn og hver og einn krydda extra eftir smekk.
4 msk olía
1,5 kg nautakjöt, skorið í litla bita eða grófhakkað
2 laukar, saxaðir smátt
4-5 hvítlauksgeirar, saxaðir smátt
4 msk chilikrydd (ekki chilipipar), eða eftir smekk
2 msk paprikuduft
1 msk kummin, steytt
2 tsk oregano, þurrkað
200 ml tómatsósa (t.d. pastasósa)
250 ml bjór eða vatn
salt
cayennepipar ef vill
2 dósir pintóbaunir eða aðrar baunir
2-3 tómatar, saxaðir
100 g cheddarostur eða annar ostur, rifinn Olían hituð í stórum, þykkbotna potti og kjötið steikt við meðalhita þar til það hefur allt tekið lit.
Þá er helmingurinn af lauknum settur út í ásamt hvítlauknum og látið krauma áfram þar til laukurinn er glær og meyr.
Chilikryddi, paprikudufti, kummini og oregano hrært saman við og látið krauma í nokkrar mínútur og síðan er tómatsósan sett út í ásamt bjórnum.
Saltað eftir smekk. Ef óskað er eftir sérlega krassandi chili má bæta við cayennepipar eða ferskum chilialdinum.
Kássan er svo hituð að suðu og látin malla undir loki í um 2 klst. Hrært öðru hverju og meiri vökva (bjór, tómatsafa eða vatni) bætt við ef þarf.
Tómatarnir soðnir með síðustu 10-15 mínúturnar.
Þegar kássan er tilbúin eru baunirnar hitaðar og síðan er þeim skipt á skálar eða djúpa diska og kássunni ausið yfir.
Einnig má einfaldlega hræra baununum saman við kássuna og hita þær í henni.
Osti og söxuðum lauk stráð yfir og borið fram.
Þessa uppskrift er aðsend frá Ragnheiði Stefánsdóttir fyrir einhverjum árunum síðan.
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Lambaframhryggsneiðar!
Ég skellti í afmælisveislu og ákvað að bjóða upp á lambakjöt og urðu framhryggssneiðar fyrir valinu bæði sem ég eldaði í ofni og svo fóru einhverjar af þeim í Air Fryerinn sem ég mæli 100% með þegar færri eru í mat og ef hann er til á heimilinu, annars kemur ofninn sterkur inn.
Svínasíða-Purrusteik!
Hérna kemur ein uppskrift sem hentar vel þeim sem eiga og nota Air fryer, þeirri snilldargræju sem eru komnar inn á mörg heimili og ég elska mína og já þeir eru tveir, einn fyrir kjötið og hinn fyrir franskarnar svo allt sé tilbúið á sama tíma.
Páska lambahryggur!
Margir eru með einhversskonar páskalamb í matinn um páskana og hef ég bæði verið með læri og hrygg með misjöfnu meðlæti. Hérna er ég með stóran lambahrygg, brúna malt og appelsínsósu ofl gott.
