Grillaður humar í skel
Hvað er betra en grillaður humar á sumrin, jú svarið er, "Grillaður humar" ekki flókið og súperauðvelt.
Fyrir u.þ.b. 4
1 kg humar í skel
Hvítlaukssmjör
100 gr smjör
1 msk steinselja
2 hvítlauksgeirar, smátt saxaðir
Bræðið smjörið í potti, bætið hvítlauk og steinselju út í og látið sjóða í u.þ.b. 2 mínútur.
Snyrtið humarinn og setjið á bakka með skelhliðina niður og penslið hann vel með hvítlauksblöndunni.
Grillið á vel heitu grilli í 6 mínútur og snúið af og til.
Humarinn er svo borinn fram emð brakandi fersku salati, grilluðu hvítlauksbrauði og hvítlaukssósu.
Einnig er gott að skera niður sítrónu og kreista yfir humarinn.
Gott með góðu hvítvíni.
Ómissandi hvítlaukssósa:
1 dós (200 g) sýrður rjómi, 18 %
2 pressaðir hvítlauksgeirar
1 msk söxuð steinselja
½ tsk sítrónusafi
Öllu blandað vel saman, gott að kæla vel áður en borið er fram.
Grillað hvítlauksbrauð:
1 snittubrauð
Hvítlaukssmjör
Hvítlaukssalt
Rifinn ostur
Snittubrauð er skorið í 3 stóra bita og svo eftir endilöngu þannig að úr verða 6 ílangar sneiðar.
Smurt vel með hvítlaukssmjöri, rifinn ostur er settur yfir og örlítið af hvítlaukssalti.
Svo eru brauðin grilluð hæfilega.
Algjört sælgæti.
Brakandi ferskt sumarsalat:
Klettasalat
Jarðarber
Mangó
Steinlaus vínber
Rauð paprika
Agúrka
Rauðlaukur
Furuhnetur, má sleppa eða hafa sér)
Fetaostur (má sleppa)
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
