Okra grænmetisréttur
Þessa uppskrift fékk ég hjá honum Abhishek einum af eiganda Indian Food Box en hann var svo yndæll að bæði sýna mér hvernig hann eldaði þetta og einnig að deila með uppskriftinni til okkar. Einn hængur er þó á hér en hann er sá að eitt af töfrarkryddunum sem hann notar í uppskriftina fæst ekki á landinu eins og staðan er núna en hann er meira en til i að elda hana fyrir ykkur en þá þarf bara að panta réttinn hjá honum og hann notar þá töfrakryddið sitt. En svo ég bætti í hana smá pipar í staðinn. Svo núna er um að gera að prufa hana sjálf og panta svo til að finna muninn ;)
1.poki Okra (fæst í asísku búðunum í frystinum)
1/2 laukur sneiddur smátt
1 tsk Kúmen
1 tsk Túrmerik
1/2-1 tsk Chilli pipar
Smá pipar úr kvörn eftir smekk
Olía til steikingar
Setjið smá olíu í wok pönnu og hitið. Til að vita hvort olían sé orðin heit til að steikja á er gott að setja á hana eins og 1-2 kúmen og ef þau poppa upp þá er hægt að setja sneidda laukinn út í ásamt kúmeninu og steikja þar til gullinbrúnt.
Kryddið Okra með kryddunum sem gefin eru upp áður en það er sett út á pönnuna og blandið vel saman. Ath að velta við með spaða jafnt og þétt í ca.10-15 mínútur.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Papriku pizzur!
Já það er hægt að gera sér hollar og góðar pizzur og nota bara paprikur fyrir botn og ég skellti mér í eina svona veislu og verð að segja að fyrir mitt leyti þá voru þær æði!
Blómkálssteik, alvöru steik!
Þessi hentar ljómandi vel fyrir þá sem ekki borða kjöt eða hreinlega langar til að prufa eitthvað hollt og gott og breyta til. Ég verð að segja að fyrir mitt leyti þá var þetta ljómandi gott og svo er ekki úr vegi að nota afganginn af blómkálinu ef einhver verður út í Blómkálssúpu, þá fer ekkert til spillis!
