Geitaostur!
October 09, 2021
Geitaostur á grilluðu snittubrauði með heitri marmelaðisósu
Uppskrift svipaða og þessa fékk ég árið 2007 hjá Dísu vinkonu minni úti í Þýskalandi og hef ekki getað gleymt henni en þá var geitaostur vart komin á markaðinn hérna. EItthvað skolaðist uppskriftin til í minningunni minni en þessi blanda kom samt alveg ljómandi vel út. Í staðinn fyrir sykurinn má nota líka fljótandi sykur eða hreinlega bara slettu af hunangi.
1-2 Geitaostslengjur
½ krukka af appelsínumarmelaði
1.msk sykur/hunang (mæli með hunanginu)
Grand Marnier, eftir smekk
Snittubrauð
Olía
Skerið geitaostinn í jafnar sneiðar og raðið á smjörpappír og hitið í smá stund eða þar til þið sjáið að hann er byrjaður að bráðna. Ef hann er settur á grill, notið þá álpappír. Skerið niður snittubrauð í ca. 1 cm lengjur og penslið smá olíu á báðar hliðarnar og grillið. Setjið marmelaði í pott og hitið við vægan hita, bætið sykrinum saman við og toppið blönduna með smá slettu af Grand Marnier.
Raðið ostasneið á brauðið og hellið sósu ofan á. Toppið með eins og einu bláberi eða öðru gómsætu.
Njótið & deilið að vild
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Skildu eftir athugasemd
Athugasemdir verða samþykktar áður en þær birtast.
