Ýsa í sesam og kókosraspi
Þessa uppskrift fékk ég fyrir mörgum árum síðan og var að gera fyrst núna. Ég minnkaði reyndar uppskriftina svo að hún hentaði fyrir einn og læt það fylgja með og það má líka vel nota Þorsk eða annan góðan fisk að vild.
800 gr ýsuflök (Ég var með 3 lítil stk)
200 gr brauðrasp (1 dl brauðrasp)
100 gr kókos (1/2 dl kókos)
100 gr hvít sesamfræ (1/2 dl sesamfræ)
150 ml hvítlauksolía (1 dl hvítlauksolía)
pipar og salt
sesamolía til steikingar
2 laukar (1 laukur, ég notaði Skalottlauk)
2 tómatar (6-8 litlir konfekttómatar)
Aðferðin:
Skerið ýsuna niður í hæfilega bita.
Blandið saman brauðraspi, sesamfræum og kókos í skál.
Veltið ýsunni upp úr olíunni og saltið og piprið.
Veltið henni þá upp úr raspinum og steikið á heitri pönnu í tvær mínútur á hvorri hlið.
Saxið laukinn og tómatinn og steikið upp úr sesamolíu á heitri pönnunni í nokkrar mínútur og berið fram með fiskinum.
Njótið þess að deila uppskriftinni áfram á síðurnar ykkar.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
