Þorskfiskhnakki í Arrabbiata!
Þegar manni er gefin dásamlegur fiskur þá heldur maður veislu! Takk fyrir mig.
Hann var skorinn í 3 jafna bita, velt upp úr þurrkaðri skessujurt, steiktur á pönnu og Arrabbiata pasta sósunni hellt yfir ásamt litlum tómötum og svörtum ólífum. Réttur sem kitlaði bragðlaukana svo um munaði. Mæli með!
1 þorskhnakki eða fleirri ef margir eru í mat
ca. 8-10 litlir tómatar
1/2 dl svartar ólífur niðurskornar
Olía til steikingar, olífuolía
Skessujurt, þurrkuð (ef þið eigið hana ekki til þá er bara um að gera að láta hugmyndaflug sitt ráða ferðinni og krydda eftir ykkar eigin smekk)
Skessujurt finnst víða á höfuðborgarsvæðinu og það eru ekki nema nokkur ár síðan ég kynntist henni og vissi um tilvist hennar. Núna er ég svo heppin að fá hana gefins öðru hverju frá vini og ég nota stilkana (sem ég frysti) í kjötsúpuna mína og svo þurrka ég blöðin í ofni og myl niður í krukkku fyrir veturinn.
Veltið bitunum upp úr Skessujurtinni eða öðrum kryddjurtum
Setjið olífuolíu á pönnuna og steikið á báðum hliðum í 3-5 mínútur á hvorri
Hellið svo sósunni úr krukkunni í kringum fiskinn og setjið tómatana og svörtu ólífurnar út í sósuna og látið malla í um 10 mínútur
Ég skar niður bæði rófu og kartöflur með nýja mandolíninu mínu í jafnar sneiðar og setti það saman í pott með smá af vatni og sauð, tekur um ca 10 mínútur þar sem sneiðarnar eru svo þunnar.
Ég kryddaði svo lítilega með kartöflukryddi en líka hægt að setja smá saltflögur yfir þær.
Ég útbjó svo salat með Íssalati frá Lambhaga, tómatsneiðum, rauðri papriku, agúrku og fetaost og hafði með.
Dásamlega ljúffeng máltíð
Deilið með gleði,,,,
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Pönnusteikt bleikja!
Ég verslaði mér eitt ljúffengt stk af bleikju frá Svenna í Fiskbúð Fúsa. Ég kryddaði það með dásamlega góða og ferska Fisk kryddinu frá Mabrúka deginum áður og steikti svo á pönnu. Með því bar ég fram ferskt salat og Sætkartöflusalat líka, svakalega gott allt saman.
Steikt rauðspretta með sítrónukeim!
Rauðspretta er ein af mínum uppáhalds og ég er farin að kaupa hana reglulega og elda mér og þar sem ég hef svo gaman af því að prufa nýjar aðferðir eða krydd þá er ég hérna með Sítrónupipar frá Mabrúka sem var einstaklega ferskt og gott. Með þessu bar ég fram sætkartöflu salat sem var æðislega gott með.
Túnfisksteik með bearnise!
Þetta er í 3 sinn sem ég er með Túnfisk steik á gamlárs og er alltaf að bæta mig í eldun á blessaðri steikinni. Í þetta sinn þá var ég með heimagrafinn lax í forrétt og með Túnfisk steikinni sem ég keypti í þetta skiptið i Hafið fiskverslun.
