Saltfiskur með ólívum, tómötum og fetaosti
Ég er mikil fiskiaðdáandi, kannski er það af því að afi minn heitinn átti fiskbúð og ég aldist upp við að fá góða fisk, ég vann líka með gaggó í Barðanum sem var eina frystihúsið sem var staðsett upp á landi eins og það var kallað í Kópavoginum en þar lærði maður að meðhöndla fiskinn frá A-Ö og í dag þá verður bara að segjast að þetta er herramanns matur að mínu mati og við erum mikið duglegri við að útbúa allsskonar gourme rétti úr fiskinum, þótt svo að fiskur soðinn og kartöflur, stappað saman með smjöri standi alltaf enn fyrir síðnu!
Þessa uppskrift gerði ég nú bara um daginn, hún er sáraeinföld sem hentar mér oft afar vel.
Saltfiskbitar (keypti frosna)
Kokteiltómatar
Ólífur, ég var með fylltar með chilli sem ég keypti á Kanarí en hvaða fylling gengur upp, mér finnst þær reyndar mikið betri fylltar.
Fetaostur, nota olíuna af honum líka
Salt & pipar
Ég steikti fiskinn í smá stund á hliðinni upp en sneri honum svo við, kryddaði hann með salt og pipar, skar svo niður tómatana, ólívurnar og setti ofan á fiskinn ásamt fetaostinum og smá olíu af ostinum og hafði á pönnunni í ca.10 mínútur því ég vildi ekki ofelda fiskinn.
Ég útbjó með þessu rauðlauks/gulrótar salsa að mínum hætti, skar gulræturnar í bita, laukinn í sneiðar og setti í pott með hunangi, 1.msk og lét malla þar til það var orðið djúsí, þetta bar ég fram ásamt krydduðu kúskús.
Fyrir þá sem eru á Ketó þá má sleppa þessu meðlæti og hafa bara rjómasósu eða annað eftir smekk, getið líka soðið brokkolí og blómkál og borið fram með.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
