Plokkfiskur a la bearnaise!
Enn aftur tilrauna eldhúsið mitt í gangi og núna bauð ég vinkonu minni í mat í Gratineraðan plokkfisk í bearnissósu og við vorum sammála um að þessi yrði gerður aftur, virkilega góð tilbreyting frá þessum hefðbundna og virkilega góður. Mæli með!
800-1000 gr af þorsk eða ýsu, ég persónulega nota alltaf orðið þorsk
1 lauk, smátt skorin
500 gr af kartöflum
2 pk af Toro bearnaise sósu
(2 dl vatn og 3 dl mjólk, samkvæmt uppgefnu á pk)
150 gr smjör/smjörlíki, ég notaði smjörlíki
Mosarella ost eða Gratín ost
Salt og pipar úr kvörn
Sjóðið fiskinn og kartöflurnar. Fínt að afhýða kartöflurnar áður.
Bræðið smjör/smjörlíki í potti og setjið laukinn útí og látið mýkjast á vægum hita. Bætið svo saman við 2.pk af Bearnaise! sósunni og hrærið og bætið út í vatni og mjólk og hrærið vel á meðan. Skerið kartöflurnar í bita og bætið saman við ásamt fiskinum.
Setjið blönduna í eldfast mót og stráið ostinum yfir og setjið inn í heitan ofn á 180°c í um 15-20 mín eða þar til osturinn er orðin gullin brúnn.
Berið fram með ljúffengu rúgbrauði.
Gott líka að krydda hann svo eftir smekk hvers og eins með salti og pipar beint úr kvörn.
Ég notaði Bearnaissósuna frá Toro
Svo ljúffengt
Afgangurinn var síðan settur í Tartalettur sem voru virkilega góðar
Verði ykkur að góðu.
Njótið & deilið að vild.
Vertu velkomin að koma og vera með í Heimilismatur hópnum á feisbókinni
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
