Lax í ofni fyrir einn!
Þar sem ég er nú ein í heimili þá er oftar en ekki eldað fyrir einn, þó svo að ég sé dugleg að elda stærri einingar og frysta þá á það ekki við allan mat hjá mér. Ég fylgist með tilboðum og slæ til þegar koma fín tilboð á lax og fleirra góðgæti sem annars væri í dýrara kantinum, þar kemur hagsýna húsmóðirinn sterk inn.
Hérna er ég með 1 stk af lax sem ég bar fram með kartöflu/brokkolí gratín og maiz.
1.stk lax
6 meðalstórar kartöflur, sneiddar
200 gr ca af brokkolí
1 skalottlaukur, sneiddur
Sítrónupipar
Rifinn ostur
250 ml af matreiðslurjóma
Salt og pipar
Kryddið laxinn vel með sítrónupiparnum. Mjög gott er að gera það vel áður, jafnvel degi fyrr ef hægt er en þá sýgur hann vel í sig kryddið. Ég notaði sítrónupiparinn frá By Artos sem er fáanlegur hérna.
Setið laxinn í eldfast mót og raðið kartöflunum, brokkolí og lauk í kringum og saltið og piprið á milli. 
Hellið því næst rjómanum yfir kartöflurnar og bætið við kryddi eftir ykkar smekk í rjóman, ég setti í bland salt, pipar og sítrónupiparinn.
Setið inn í ofn á 180°c í um 30-40 mínútur. 
Njótið þess að deila áfram á síðurnar ykkar.
Finnið síðuna líka á Instagram og endilega merkið/taggið ef þið eru að gera eftir uppskriftunum, það væri virkilega ánægjulegt.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
