Langa í Pestó Sól frá Önnu Mörtu og Lovísu
Með sætkartöflumús og döðlum.
Ég fékk gefins alveg dásamlega góða Löngu frá vini og ég hef persónulega ekki mikið eldað Löngu svo ég ákvað að leyfa sköpunargleðinni njóta sín og þetta varð útkoman. Virkilega sátt við hana og mjög gott allt saman, sælkeraréttur með meiru. 
500-600 gr Langa
1 krukka af Pestó Sól frá Anna Marta og Lovísu
4-5 döðlur niðurskornar
1 sætkartafla, skorin í bita og soðin í um 30 mínútur
2 msk af rjómaosti
Skerið lönguna niður í hæfilega bita og saltið og piprið eftir ykkar smekk.
Setjið pestóið í skál og veltið fiskinum vel upp úr pestóinu og bætið svo ofan á það með skeið aukalega þegar það er fiskurinn er kominn í eldfast mót.
Pestóin og Döðlumaukið frá þeim tvíburasystrum Önnu Mörtu og Lovísu hjá AnnaMarta.is
Skerið niður 1 döðlu á hvert stk og bætið ofan á pestóið. Setjið inn í ofn á 180°c í um 15 mínútur eða þar til fiskurinn er tilbúinn.
Þegar búið er að sjóða sætkartöfluna takið þá vatnið af og stappið saman með 2 msk af rjómaosti og kryddið svo með Sætkartöflukryddi frá Kryddhúsinu.
Nammi nammi... í staðinn fyrir niðurskornu döðlurnar væri líka hægt að setja ofan á Döðlumaukið frá Önnu Mörtu, þá þegar búið er að baka fiskinn, hugmynd allavegana.
Sætkartöflumúsina setti ég fyrst ofan á diskinn og síðan fiskinn ofan á
Bar fram með fiskinum spínatsalat með rifnum gulrótum 2.stk og 1.msk af fetaosti
Verði ykkur að góðu, njóti vel.
Velkomið að deila áfram, hjartans þakkir fyrir það.
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Pönnusteikt bleikja!
Ég verslaði mér eitt ljúffengt stk af bleikju frá Svenna í Fiskbúð Fúsa. Ég kryddaði það með dásamlega góða og ferska Fisk kryddinu frá Mabrúka deginum áður og steikti svo á pönnu. Með því bar ég fram ferskt salat og Sætkartöflusalat líka, svakalega gott allt saman.
Steikt rauðspretta með sítrónukeim!
Rauðspretta er ein af mínum uppáhalds og ég er farin að kaupa hana reglulega og elda mér og þar sem ég hef svo gaman af því að prufa nýjar aðferðir eða krydd þá er ég hérna með Sítrónupipar frá Mabrúka sem var einstaklega ferskt og gott. Með þessu bar ég fram sætkartöflu salat sem var æðislega gott með.
Túnfisksteik með bearnise!
Þetta er í 3 sinn sem ég er með Túnfisk steik á gamlárs og er alltaf að bæta mig í eldun á blessaðri steikinni. Í þetta sinn þá var ég með heimagrafinn lax í forrétt og með Túnfisk steikinni sem ég keypti í þetta skiptið i Hafið fiskverslun.
