Fiskur með karrýi og eplum
Þeir gerast bara ekki einfaldari réttirnir, þessi er eiginlega bara of einfaldur og spurning um að flækja hann smávegis eða ekki. Allavega þá þarf eitthvað gott með þessu og spurning um að hafa hrisgjón með eða kartöfluskífur.
Ég sjálf minnkaði uppskriftina þar sem ég var að elda aðeins fyrir mig eina svo ég notaði eitt epli en samt næstum því 1.tsk af karrý því það er aldrei of mikið af því en hver einn velur fyrir sig.
Ég verð að segja að fyrir mína parta þá var þessi uppskrift ekki bara súpereinföld heldur líka alveg rosalega góð og það kom soðsósa af bæði fiskinum og eplunum sem gerðu þetta mjög djúsí.
2 meðalstór fiskflök t.d. ýsa, þorskur eða smálúða.
3 rauð epli
1 tsk karrý
olía og salt
Skerið eplin í litla bita og setjið í botninn og stráið karrý yfir og látið blandast saman.
Leggið fiskinn ofan á eplin og setjið lok yfir og látið malla við vægan hita.
Skerið fiskflökin í 3-4 cm breiða bita og saltið smávegis.
Skrælið eplin og saxið eða sneiði í bita.
Hitið olíuna á pönnu á meðan.
Setjið eplin (brytjuð) og karrýið á heita pönnuna og blandið vel.
Leggið fiskbitana ofaná og látið krauma undir loki í ca. 10 mín.
Þetta má líka gera í ofni. Fyrst að malla saman eplum og karríi, setja í eldfast mót, raða fiskinum yfir, strekka álpappír yfir.
Baka í heitum ofni 180 c í 15-20 mín.
Ég skar niður nokkrar kartöflur í skífur og bar á þær smá olíu og setti gróft salt ofan á og setti í Air fryerinn á meðan í ca.10 mínútur á 180-200°c
Að þessu sinni var ég með kalda bearnies sósu með
Deilið með gleði,,,,
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
