Fiskur í tagini
Ég fór í sumar á veitingastaðinn á Hótel Siglunesi þar sem marakóski kokkurinn hann Jaouad Hbib frá Mazagan, El Jadida, Morocco sér um að matreiða sælkera mat fyrir gesti staðarins og ég heillaðist svo að þeirri matargerð að vinkona mín kom að utan og færði mér þennan æðislega Tagini pott og ég var að prufa hann þarna í fyrsta sinn og fyrir valinu varð fiskréttur a la Ingunn.
Ýsa/Þorskur/Keila/Langa eða annar góður fiskur, ég var þarna með þorsk
Kokteiltómatar
Rauðlaukur
Blaðlaukur
Kartöflu sneiðar
Sítrónupipar og annað krydd eftir smekk
Hitað inn í ofni á 180°c í ca 20-25.mínútur
Ég var að elda úr þessu móti í mitt fyrsta sinn og hlakka til að gera þann næsta og vonandi verður hann þá aðeins frumlegri en þessi. Minnsta mál er að panta sér Tagini pott á netinu eða þá bara að nota eldfast mót fyrir réttinn.
Deilið með gleði..
Vertu velkomin að koma og vera með í Heimilismatur hópnum á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
