Fiskiklattar
Svona klatta fékk ég reglulega þegar ég var barnapía í sveit 14.ára gömul og fannst mér þetta alveg með því besta sem ég fékk enda kannski nýtt fyrir mér og hef ég gert þetta nokkrum sinnum eftir það. Fínasta tilbreyting.
500-600 gr. Ýsa
Slatti af hveiti
1-2 egg
Mjólk eftir þrörfum
Salt og pipar
Fiskurinn er soðinn, kældur og brytjaður svo út í blönduna.
Kryddað eftir smekk. Steikt á pönnu í smá stund, sett á með skeið.
Borið fram með nýjum kartöflum, salati og sósu eftir smekk.
Mín eigin útgáfa:
Nýtið afganginn af plokkfiskinum ykkar, bætið út í hann 1 eggi og slatta af hveiti og hrærið vel saman. Ath að hveitið er til þess að halda blöndunni saman því annars lekur allt bara út um allt.
Kryddið svo eftir smekk ef ykkur finnst þess þurfa eins og með salt og pipar úr kvörn og svo má bera fram gúrku og tómata og eins líka steikt egg.
Deilið með gleði..
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
