Fiskibollur
Fátt er ljúffengara en heimagerðar fiskibollur og við mamma höfum gert saman fiskibollur úr nokkrum kílóum í einu þegar við erum lánsamar að kaupa 10 kíló pakkningar af glænýjum frosnum fiski.
En hérna er ein einföld uppskrift:
2 góð flök af þorski, ýsu, smálúðu eða karfa !
1 stór laukur
1 egg
2-3 msk hveiti
2-3 msk kartöflumjöl
salt,pipar,aromat
Þynnt með mjólk, allt eftir smekk hvers og eins.
Allt látið í matarvinnsluvél, byrja á lauknum og síðan flökunum o.s.frv.
Steikja frekar litlar bollur úr smjörva. Sett á fat og halda heitu í ofninum, meðan hitt er klárað.
Bera fram ýmist með kartöflum- þess vegna bökuðum, grænmeti og kryddsmjöri að eigin smekk. (estragon smjör er afar gott, þá er bara brætt smjör,tekið af hitanum og sett ferskt estragon út í, hrært af og til áður en það er borið fram)
Til hátíðarbrigða má setja reyktan lax, eða silung saman við deigið - afar ljúffengt.
Mörgum finnst æðislegt að vera með karrísósu með.
Aðrir velja brúna sósu og meira segja súrsæta. Hvað finnst þér best ?
Vertu velkomin að koma og vera með í Heimilismatur hópnum á feisbókinni
EÐA
Vertu velkomin að koma og vera með í hóp Sælkera á feisbókinni
Athugasemdir verða samþykktar áður en þær birtast.
Saltfisks hamborgari!
Ég tók út eitt saltfisk stk og ætlaði að elda mér um kvöldið, hvernig var ekki ákveðið en svo kom það. Steikti fiskinn á pönnu, kryddaði og skellti í hamborgarabrauð. Já það er svo gaman að gera eitthvað nýtt og það þarf ekki alltaf að vera bara hamborgari eða kjúklingaborgari í blessuðu brauðinu.
Gratineraður plokkfiskur!
Fátt er eins ljúffengt eins og heimagerður plokkfiskur með glænýju rúgbrauði.
Svo má ég til með að benda ykkur á að ef það er afgangur af plokkaranum þá má gera eitthvað nýtt og gott úr honum daginn eftir eins og setja hann sem fyllingu í smjördeig og skella inn í ofn.
Fiskivika!
Hvernig væri að skella í eins og eina viku þar sem þið borðið bara fisk í hádegis/kvöldmat og njóta úrvalsins sem í boði er. Hérna eru hugmyndir fyrir eina viku og hver veit nema ég skelli í aðra fljótlega og deili með ykkur.
