Skinku og hangikjötsbrauðterta

April 14, 2021

Skinku og hangikjötsbrauðterta

Skinku og hangikjötsbrauðterta 
Hún er lostæti, það er samsetningin á henni sem er hreint út sagt mögnuð og ferskjurnar maður, þær gera hana extra ferska líka og ég get sagt ykkur að hún klárast alltaf alveg upp til agna, vá hvað mig langar í eina sneið núna!

1.stk brauðtertubrauð, langskorið eða kringlótt

Skinkusalat:
1.pk brauðskinka, skorið í bita
ca.400 gr majones
3 egg, harðsoðin
1.dós ferskjur, skiljið eftir 1 til að skreyta með
Kryddið með Aromat eða Seson All
Notið safann af ferskjunum til að bleyta upp í brauðinu

Hangikjötssalat:
1-2 pk af hangikjöti (notið hangikjöt til skreytinga eins og sjá má á mynd eða saxað niður og sett utan um brauðtertuna
3 egg, harðsoðin
1.dós/krukka af gulrótum niðursoðnum eða ferskum, stappið vel
ca.400 gr af majonesi

Gúrka, ferskjur, skinka, egg og steinselja til að toppa útlitið.

Salat 1: Majones, skinka (skorin í bita), ferskjur í dós (stappaðar) og 2-3 egg,
allt blandað saman og kryddað með seson all og smá aromat, eða eftir smekk hvers og eins 

Salat 2: Majones, hangikjöt (skorið í bita), gulrætur frá ORA, (stappaðar) og 2-3 egg,
allt blandað saman og kryddað með seson all og smá aromat, eða eftir smekk hvers og eins 

Brauðtertubrauð (skorpan skorin af ef vill), ég gerði það ekki í þetta sinn.
Nauðsynlegt er að bleyta upp í brauðinu með safanum af ferskjunum og setja svo salat á til skiptis á brauðið,
Ath að hún er best daginn eftir þegar safinn hefur náð að mýkja hana.

Skreytið brauðtertuna svo eftir smekk með gúrkum, tómötum, eggjum til hliðanna og svo gulrótum og ferskjum ofaná með upprúllaðri skinku.
 

Hægt er að nota langbrauð eins og fæst sunnanlands en líka hringbrauð sem fæst í Kristjánsbakaríi á Akureyri fyrir þá sem eru norðanlands en það er líka vel hægt að raða tvemur lengjum saman og skera svo út hring ef maður vill það.
Hringbrauð fást líka í Fjarðarkaup.

Njótið vel & deilið að vild

Ef þú gerir þessa máttu alveg tagga síðuna á Instagram en þar er bæði hægt að finna Islandsmjoll og Sælkeraklúbb Ingunnar.

Vertu velkomin að koma og vera með Brauðtertur & heitir réttir hópnum á feisbók





Einnig í Brauðréttir

Freisting sælkerans
Freisting sælkerans

January 23, 2023

Freisting sælkerans með osta og paprikublæ
Er uppskrift sem var afar vinsæl fyrir um ca.25-26. árum síðan og passar vel við nafnið á klúbbnum mínum í dag.

Halda áfram að lesa

Súrdeigsbrauð í hollustu stíl
Súrdeigsbrauð í hollustu stíl

December 12, 2022

Súrdeigsbrauð í hollustu stíl
Ég hef verið að leika mér smá/mikið með að setja allsskonar álegg ofan á súrdeigs brauð, svona aðeins að vera í hollari kantinum og hafa tilbreytinguna og gleðina í því 

Halda áfram að lesa

Brauð & álegg!
Brauð & álegg!

November 13, 2022

Brauð & álegg!
Fyrir langa langa löngu voru kannski ekki ýkja margar tegundir af áleggi til, né brauði en annað er upp á teninginn í dag því maður hefur varla tölu yfir allar þær tegundir sem til eru af hvoru tveggja. 

Halda áfram að lesa