Rúlluterta með hráskinku!

January 27, 2024

Rúlluterta með hráskinku!

Rúlluterta með fetaosti, hráskinku og klettasalati.
Þessa er ég búin að vera með í fórum mínum lengi en hafði ekki gert en það kom að því og hérna má sjá afraksturinn. Ég smakkaði hana fyrst kalda en setti svo hluta af henni inn í ofn daginn eftir og fyrir mína parta þá kunni ég betur við hana heita, svo bæði gengur upp.

200 gr mjúkur rjómaostur, ég notaði Rjómaost með svörtum pipar og sleppti því að setja salt og pipar í staðinn.
1 dós sýrður rjómi
½ - 1 dós fetaostur
Rjómi til að þynna með
1 poki af klettasalati
1-2 bréf hráskinka
Salt og svartur pipar eftir smekk

Blandið rjómaosti, sýrðum rjóma og fetaosti saman og þynnið með rjómanum.

Smakkið til með salti og pipar.


Smyrjið blöndunni á rúllutertubrauðið, en skilið smá eftir til að nota til skreytingar.

Það má alveg vera meira af Klettasalatinu en ég notaði það sem ég átti til.

Grófsaxið klettasalatið og dreifið um helminginn af því yfir kremið.

Leggið síðan hráskinkusneiðarnar yfir kremið og rúllið upp.





Skreytið svo með kreminu og klettasalati og smá papriku ef vill.




Fallegu bakkarnir sem ég er með eru frá Hjartalag.is

Ég prufaði að setja hana líka í ofn og ég persónulega var hrifnari af henni heitri.

Verði ykkur að góðu!

Þakklát fyrir deilingar áfram og leyfið mér að heyra hvernig ykkur líkaði ef þið prufið uppskriftina, það má merkja okkur líka á Instagram.

Vertu velkomin að koma og vera með Brauðtertur & heitir réttir hópnum á feisbók





Einnig í Brauðréttir

Mexíkósk rúlluterta!
Mexíkósk rúlluterta!

February 10, 2024

Mexíkósk rúlluterta
Ein af þessum uppskriftum sem ég hef safnað að mér til að gera einn daginn og það kemur að þeim einni af annarri. Mjög góð uppskrift og dásamlega falleg á veisluborðið, saumaklúbbuinn, ferminguna eða bara á notalegu kvöldi heima.

Halda áfram að lesa

Baguette með heitreyktum Lax
Baguette með heitreyktum Lax

January 31, 2024

Baguette með heitreyktum Lax
Ég lumaði á einum pakka af heitreyktum Lax í frystinum frá því að ég pantaði slatta af bæði af fiski í tempura og fiskibollum, reyktum lax, sósum ofl góðgæti frá Fisherman, allt svakalega gott, bara mitt mat.

Halda áfram að lesa

Aspas & skinku lengja
Aspas & skinku lengja

December 01, 2023

Aspas & skinku lengja
Eða öðru nafni Aspasstykki eins og margir þekkja það undir. Frekar einfalt að útbúa og fljótlegt. Alveg dásamlega gott í hvaða veislu, saumaklúbb sem er eða bara til að njóta með sjálfum sér og gera sér dagamun.

Halda áfram að lesa