Roastbeef brauðterta!
Ein af okkar uppáhalds brauðtertum er klárlega roastbeef brauðtertan. Þessa bjó ég til fyrir afmæli föður míns og ég keypti niðursneitt roastbeef hjá Kjöthöllinni sem var alveg æðislega gott, mæli með.
1 hringtertu brauðterta eða langskorið (hringurinn fæst reyndar í Kristjánsbakarí á Akureyri fyrir þá sem eiga leið þar um þá er snilld að kaupa nokkur stk og setja í frystinn til að eiga.
1 líter ca af remúlaði (ég notaði ekki alveg allt)
420 gr ca af Roastbeef (haldið eftir um 6-8 sneiðum af roastbeef til að nota til skreytingar
2-3 dl af steiktum lauk
1-2 dl af súrum gúrkum eða eftir smekk
1 dós apríkósur
Skerið brauðtertu hringinn í 3-4 hluta eftir því sem þið treystið ykkur til,, ég náði að skera í 3 hluta.
Setjið ca 1/3 hlutann af remúlaðinu í skál
Skerið roastbeefið í bita og bætið saman við ásamt 2 dl af steiktum lauk og 1-2 dl af súrum gúrkum smátt sneiddum. Hrærið allt vel saman og berið á botnana og skreytið svo með roastbeef sneiðunum allan hringinn, súrum gúrkum og apríkósum. 
Það er að sjálfsögðu alveg í ykkar höndum að skreyta líka eftir ykkar eigin smekk sem við gerum nú oftast nær þó gott sé að hafa aðrar skreytingar til hliðsjónar.
Skreytið með roastbeef allan hringinn eða öðru eftir ykkar eigin smekk
Afmæliskaffiboð með Roastbeef brauðtertu, Súkkulaði köku og Tebollum.
Dásamlegt ef deilt er áfram og svo finnur þú síðuna líka á Instagram
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
