Rækjubrauðterta
Þessi fallega brauðterta er 2 laga og er hún fallega handskreytt eftir vinkonu mína hana Brynju fyrir skírnarveislu barnabarnsins míns og gerðu þær þvílíka lukku.
Úr einum hringbotn frá Kristjánsbakaríi á Akureyri náðist í tvær veglegar brauðtertur.
Brauðtertu brauð (hringlaga eða rúllutertu)
1 1/2 af stórri dós af majonesi
2 pokar af rækjum
Krydd (eftir smekk)
12-15 egg, harðsoðin
4 tómatar
1 agúrka
1 rauð paprika
1 græn paprika
Blaðlaukur
Radísur
Sjóðið eggin og kælið. Hrærið saman eggjunum, majonesi og rækjum og kryddið eftir smekk, margir nota Seson All og aðrir nota Aromat. Skiljið eftir smá af rækjunum til að skreyta með.
Skiptið/skerið brauðtertuna 4 parta og notið tvo fyrir hverja tertu.
Smyrjið salati á neðri helmingin og þekjið svo efri helminginn bæði ofan á og hliðarnar eins og sjá má á mynd. Skreytið svo að eigin vild. Myndir sýna allavega hvernig þessar voru skreyttar.
Njótið & deilið að vild.
Skreyting Brynja Dýrleif
Myndataka Ingunn Mjöll
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
Hangikjöts skonsubrauðterta!
Frumraun mín í skonsubrautertu gerð sem heppnaðist bara furðuvel og allir voru glaðir með sem fengu að smakka hana. Maður lærði þó eitt og annað sem hafa þarf í huga eins og stærð pönnunnar, því mér fannst blessuð pönnukökupannan allt of lítið og fór því mínar eigin leiðir. Gaman væri að vita hvernig pönnu þið notið í ykkar bakstri.
Rækjuréttur kaldur!
Þegar brauðtertu brauðið molnar allt niður þá sér maður nú við því og skellir bara í brauðtertu rétt í fati og skreytir.
Beikon brauðterta heit!
Landinn elskar brauðtertur og heita brauðrétti af öllu tagi og úrvalið er alveg ótrúlega gott og mikið en svo er líka alltaf hægt að skella í sína eigin út frá því hvað er til og hérna er ein slík. Þessa bauð ég upp á með kaffinu á sunnudegi ásamt nýbökuðum vöfflum með rjóma.
