Rækjubrauðterta
Sívinsæl og ljúffeng í hvaða veislu sem er, hérna er hún bara einföld en margir bæta út í hana t.d. aspas, gúrku, papriku.
1 samlokubrauð langskorið
1 poki af rækjum
8-10 egg (söxuð smátt)
750-1000 g majónes
1 dós sýrður rjómi
Seson All krydd
Hrærið saman majonesi, rækjum og eggjunum og kryddið með Seson All kryddinu eftir smekk og smyrjið svo á hverja lengjuna fyrir sig þá hæð sem þið viljið hafa.
Látið svo hugmyndaflugið ráða í skreytingu en þessi er skreytt með gúrku, tómötum, blaðlauk, salati og rækjum.
Heiðurinn af skreytingunni á hún Brynja vinkona mín.
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
Hangikjöts skonsubrauðterta!
Frumraun mín í skonsubrautertu gerð sem heppnaðist bara furðuvel og allir voru glaðir með sem fengu að smakka hana. Maður lærði þó eitt og annað sem hafa þarf í huga eins og stærð pönnunnar, því mér fannst blessuð pönnukökupannan allt of lítið og fór því mínar eigin leiðir. Gaman væri að vita hvernig pönnu þið notið í ykkar bakstri.
Rækjuréttur kaldur!
Þegar brauðtertu brauðið molnar allt niður þá sér maður nú við því og skellir bara í brauðtertu rétt í fati og skreytir.
Beikon brauðterta heit!
Landinn elskar brauðtertur og heita brauðrétti af öllu tagi og úrvalið er alveg ótrúlega gott og mikið en svo er líka alltaf hægt að skella í sína eigin út frá því hvað er til og hérna er ein slík. Þessa bauð ég upp á með kaffinu á sunnudegi ásamt nýbökuðum vöfflum með rjóma.
