Laxabrauðterta
Brauðtertu eru æði að mínu mati og þær eru svo fallegar líka á veisluborðinu með öllu hinu og svo er líka svo gaman að sjá mismunandi skreyttar brauðtertur en útlitið er bara partur af tertunni, það er svo sannarlega innihaldið sem skiptir líka máli.
1½ samlokubrauð langskorið
1½ kg reyktur lax (skorinn í kurl)
½ kg reyktur lax í sneiðum
10-15 harðsoðin egg (söxuð smátt)
750-1000 g majónes
1 dós sýrður rjómi
½ dós af aspas (saxa smátt og þerra vel)
Blandið saman laxakurli og aspas, eggjum, 750 g af majónesi og sýrðum rjóma. Raðið tveimur brauðsneiðum hlið við hlið og smyrjið brauðið með blöndunni. Leggið svo næsta lag af brauði ofan á og smyrjið með laxablöndunni. Allt í allt verður brauðtertan fimm hæðir með fjórum lögum af salati.
Smyrjið brauðtertuna á öllum hliðum með þunnu lagi af majónesinu sem eftir er og passið að hylja tertuna alveg, annars þornar brauðið. Þekið hana svo með laxasneiðunum en brauðtertan er svo skreytt eftir smekk hvers og eins.
Þessa dásamlega fallegu brauðtertu bjó hún Brynja vinkona mín til og skreytti að sinni alkunnu snilld og ég myndaði svo.
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
Beikon brauðterta heit!
Landinn elskar brauðtertur og heita brauðrétti af öllu tagi og úrvalið er alveg ótrúlega gott og mikið en svo er líka alltaf hægt að skella í sína eigin út frá því hvað er til og hérna er ein slík. Þessa bauð ég upp á með kaffinu á sunnudegi ásamt nýbökuðum vöfflum með rjóma.
