Hangikjöts rúlluterta

March 03, 2024

Hangikjöts rúlluterta
Fjölskylan elskar hangikjöt, soðið, kalt, í tartalettum, ofan á brauð, inní ofni með bræddum osti ofan á, ofan á snittum, brauðtertum og þessa líka sem ég gerði fyrir afmæliskaffiboð hjá mér í febrúar 2024, rúlluterta með hangikjöti.

2.stk rúllutertubrauð
500 gr af hangikjöti, ég sauð rúllu sem ég átti og notaði hana, Skerið í bita
1 stór dós af majonesi 500 gr og kannski smá aukalega til að smyrja þær 
5-6 egg, soðin og kæld
1 dós af gulrótum, stappaðar niður
Kryddað eftir smekk, ég notaði Seson All og smá af Aromat, má sleppa

Afþýðið rúllutertubrauðin. Sjóðið eggin og kælið þau. Hrærið saman majonesi, eggjum, hangikjötinu, stöppuðu gulrótunum og kryddið eftir smekk.

Gott að smakka til, ég smakka alltaf til með smá Rits kexi. 

Smyrjið blöndunni jafnt á tvö rúllutertubrauð og rúllið þeim upp. 

Skreytið þau með eggjum, agúrku og smá af vatnakarsa eða því sem þið viljið sjálf hafa. 

Alltaf gaman að sjá hugmyndir annarra að skreytingum.

Þakklát fyrir allar deilingar áfram og leyfið mér endilega að heyra hvernig ykkur líkaði ef þið prufið uppskriftina, það má merkja okkur líka á Instagram.

Vertu velkomin að koma og vera með Brauðtertur & heitir réttir hópnum á feisbók

---

Skildu eftir athugasemd

Athugasemdir verða samþykktar áður en þær birtast.

Nafn *

Netfang *

Athugasemd *

---

Einnig í Brauðréttir