Freisting sælkerans

January 23, 2023

Freisting sælkerans

Freisting sælkerans með osta og paprikublæ
Er uppskrift sem var afar vinsæl fyrir um ca.25-26. árum síðan og passar vel við nafnið á klúbbnum mínum í dag.

En það var ansi skemmtilegur uppskriftarklúbbur sem Vaka-Helgafell var með á þeim árum og fékk maður sendar nokkrar uppskriftir á mánuði og fréttarit og svo möppu til að geyma í öðru hverju en þetta á ég til ennþá en uppskriftina var ég oft með í saumaklúbbum á árum áður en hef ekki gert hana lengi svo nú skellti ég í eina "freistingu" og myndaði hana í leiðinni. Mannst þú eftir þessu klúbb ? 

6 franskbrauðsneiðar
1 camambert-ostur
2 ½ dl rjómi
6 skinkusneiðar
1 litil græn paprika og 1 rauð
Stillið bakarofninn á 175-200°c

Bræðið ostinn í rjómanum varlega

Skerið skorpuna af brauðinu og raðið þeim í eldfast mót.
Brytjið ostinn og bræðið.
Hellið rjomanum saman við í smáskömmtum.
Brytjið skinku og papriku frekar smátt.
Hellið ostablöndunni yfir brauðið og stráið skinku og paprikubitum yfir.
Bakið í heitum ofni þar til rétturinn er rétt farinn að taka lit eða í ca 15 mín á 180 gráðum.

Mér fannst gott að brytja brauðið niður í smá teninga

Skinka og paprika brytjað niður og sett yfir brauðið og blönduna af rjómanum og ostinum, ég myndi persónulega hafa meira af rjómanum heldur en gefið er upp til að rétturinn verði aðeins blautari.

Berið fram með rifsberjahlaupi. 

 

Deilið með gleði

Vertu velkomin að koma og vera með Brauðtertur & heitir réttir hópnum á feisbók





Einnig í Brauðréttir

Brauðterta með Mills-kavíar
Brauðterta með Mills-kavíar

June 08, 2024

Brauðterta með Mills-kavíar
Þessi er öðruvísi en allar aðrar sem ég hef gert, þá meina ég þessar hefðbundnu en hún kom skemmtilega á óvart og var mjög góð og fékk góð meðmæli.

Halda áfram að lesa

Hangikjöts rúlluterta
Hangikjöts rúlluterta

March 03, 2024

Hangikjöts rúlluterta
Fjölskylan elskar hangikjöt, soðið, kalt, í tartalettum, ofan á brauð, inní ofni með bræddum osti ofan á, ofan á snittum, brauðtertum og þessa líka sem ég gerði fyrir afmæliskaffiboð hjá mér í febrúar 2024, rúlluterta með hangikjöti.

Halda áfram að lesa

Mexíkósk rúlluterta!
Mexíkósk rúlluterta!

February 10, 2024

Mexíkósk rúlluterta
Ein af þessum uppskriftum sem ég hef safnað að mér til að gera einn daginn og það kemur að þeim einni af annarri. Mjög góð uppskrift og dásamlega falleg á veisluborðið, saumaklúbbuinn, ferminguna eða bara á notalegu kvöldi heima.

Halda áfram að lesa