Brauðtertur með rækjusalati
Gerði tvær brauðtertur með rækju fyrir afmæli um daginn og ákvað að hafa þær í þetta sinn á breiddina en ekki hæðina eins og svo oft áður.
2. brauðterturbrauð
3. dósir af majonesi 500 ml
1. kíló af rækjum
10. egg
Seson All
Gúrku
Tómata
Sítrónu/r
Annað til skreytingar ef vill
Skerið skorpuna af brauðinu ef það er ekki skorpulaust (snilld að frysta að nota svo í brauðrasp eða gefa öndunum). Sjóðið eggin. Setjið majones í stóra skál og hrærið vel, bætið svo útí rækjunum sem búnar eru að þyðna vel (gott er að skera þær aðeins niður smærra). Bætið svo eggjunum saman við og kryddi svo með Seson All eftir smekk. Í brauðtertu pökkunum eru brauðin 7 svo að önnur tertan verður þriggja laga og hin fjögurra laga. Raðið þeim á stóran bakka og setjið salatið á lag fyrir lag. Pakkið þeim svo inn í plast og látið þær inn í ísskáp yfir nóttina og skreytið þær daginn eftir. 
Skreytið að vild og notið ykkar eigið hugmyndaflug.
Ég skreytti þessar sjálf, er enginn skreytingameistari en hafði gaman af, er miklu betri í að mynda þær svo ;)
Deilið með gleði....
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
