Brauðhringur með rækjum
Gamli góði smjördeigs brauðhringurinn sem margir muna eftir er hérna kominn eins og ég gerði hann hérna á árum áður fyrir fjölskylduna. Hérna var sunnudagskaffiveisla og allir sáttir.
1 smjördeigs hring (Butterdeigsbotn)
300-400 gr af rækjum
Majones
1-2 egg
1-2 tómata
Gúrkusneiðar
Sítrónu
Ég notaði hérna aðeins 1 egg og 1 tómat
Ég mæli með því að það sé sett á botninn deginum áður en á að bera hann fram svo að hann nái að mýkjast. 
Smyrjið botninn vel af majonesi
Raðið eftir ykkar smekk tómat, gúrku og eggjasneiðum
Fyllið hann síðan með rækjum
Skreytið ef þið viljið aukalega með sítrónusneiðum
Tilbúin
Kaffiveisla fjölskyldunnar, tveir smjördeigshringir, einn með rækjum og hinn með laxasalati og svo vöfflur með sultu og rjóma.
Smjördeigs hringina var hægt að fá t.d.
Björnsbakarí
Hérastubbur bakarí í Grindavík er pottþétt að selja þá og hægt að fá þá afhenta í Kópavoginum fyrir þá sem vilja, bara hafa samband við þau.
Reynisbakarí
Sauðakróksbakarí
Ath. að væntanlega þarf að panta áður.
Ef þið vitið um fleirri, vinsamlega deilið því með okkur.
Verði ykkur að góðu!
Þakklát fyrir allar deilingar áfram og leyfið mér endilega að heyra hvernig ykkur líkaði ef þið prufið uppskriftina, það má merkja okkur líka á Instagram.
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
Hangikjöts skonsubrauðterta!
Frumraun mín í skonsubrautertu gerð sem heppnaðist bara furðuvel og allir voru glaðir með sem fengu að smakka hana. Maður lærði þó eitt og annað sem hafa þarf í huga eins og stærð pönnunnar, því mér fannst blessuð pönnukökupannan allt of lítið og fór því mínar eigin leiðir. Gaman væri að vita hvernig pönnu þið notið í ykkar bakstri.
Rækjuréttur kaldur!
Þegar brauðtertu brauðið molnar allt niður þá sér maður nú við því og skellir bara í brauðtertu rétt í fati og skreytir.
Beikon brauðterta heit!
Landinn elskar brauðtertur og heita brauðrétti af öllu tagi og úrvalið er alveg ótrúlega gott og mikið en svo er líka alltaf hægt að skella í sína eigin út frá því hvað er til og hérna er ein slík. Þessa bauð ég upp á með kaffinu á sunnudegi ásamt nýbökuðum vöfflum með rjóma.
