Rósmarínbrauð
Ingibjörg Bryndís sendi mér þessa uppskrift og mynd af dásamlega girnilegu brauði sem ég mæli með að bera fram með hvaða rétti sem er eða jafnvel bara eitt og sér með smjöri.
Hún notaði að vísu kúmen í staðinn fyrir rósmarín en það er örugglega hægt að leika sér aðeins með það að smekk hvers og eins.
5 dl volgt vatn
1 tsk sjávarsalt
500 gr hveiti
Ólívuolía
rósmarín ferskt
1 bréf þurrger
Aðferð:
1. Blandið geri og vatni saman í stóra skál. Setjið 2 1/2 dl af hveiti útí ásamt salti og blandið vel. Hrærið restina af hveitinu saman við 1 dl í einu þar til allt hefur blandast vel saman.
2. Setjið plastfilmu yfir skálina en hafið örlítið gat eða rifu á filmunni. Leyfið deiginu að hefast í um klukkutíma.
3. Þegar deigið er búið að hefast þá er plastfilman tekin af ( ekki berja deigið niður). Smyrjið eldfast mót eða járnpott með olíu. Setjið hveiti ofan á deigið og á hendurnar. Færið síðan deigið yfir í mótið/pottinn (það er mjög klístrað en þannig á það að vera).
4. Leggið stykki yfir mótið og leyfið deiginu að hefast aftur í um 30 mín. Hitið ofninn í 210 gráður. Hellið smá ólívuolíu yfir brauðið eða penslið og skerið X ofan á brauðið. Smá salt og rósmarín og inn í ofninn í 35-40 mín þar til brauðið er fallega gyllt að ofan.
Vertu velkomin að koma og vera með í Köku & baksturs hópnum á facebook
EÐA
Vertu velkomin að koma og vera með Brauðtertur & heitir réttir hópnum á feisbók
Athugasemdir verða samþykktar áður en þær birtast.
Kryddbollur!
Toro mix, já ég kaupi það stundum og finnst það rosalega gott, aðeins þarf að bæta saman við það olíu og eggi og ég set oftar en ekki mikinn hluta þess í frysti og tek út með súpum ofl. Hérna skellti ég í kryddbollur og eitt svona flatbrauð til að hafa með baunasúpunni sem ég bjó til.
Uppskrift að churros-kökum!
Churros-uppskrift með súkkulaði eða flórsykri. Keypt tilbúið eða gert frá grunni.
Ég fann eina uppskrift af þeim fyrir þá sem vilja skella í Churros veislu en margir þekkja þetta frá Spáni, Grikklandi og fleirri löndum.
Hunangsvalhnetu bananabrauð!
Skellti í þessa uppskrift lokssins núna en hún er búin að vera í uppskriftasafninu mínu í mörg ár og ég man ekkert hvaðan hún er komin en ljúffeng var hún.
