Rjómabollur (ger)

March 07, 2020

Rjómabollur (ger)

Rjómabollur

Á bolludaginn elska íslendingar að raða í sig bollum með allskonar fyllingum,
sumir kjósa vatnsdeigsbollur og aðrir gömlu góðu gerbollurnar með sultu og rjóma.

Hérna er uppskrift af gerbollum!

100 gr smjör
3 dl mjólk
1/2 bréf þurrger
1 dl sykur
1/2 tsk.salt
1 egg
1/2 tsk.hjartarsalt
9 1/2 dl hveiti

Bræðið smjör i litlum potti, hellið mjólkinni út í og hitið upp í 37 gráður.
Hellið mjólkinni í skál og byrjið á að setja þurrger út í, síðan salt, sykur og egg og 
hrærið saman í hrærivél. Blandið hjartarsaltið í hveitið sem þið setjið smátt og smátt úr í 
skálina og hrærið vel á meðan. Stráið hveiti á borð og hnoðið deigið þar en setjið það svo í 
skálina aftur, leggið hreint viskustykkir yfir og leyfið deiginu að lyfta sér í hálf tíma.
Hnoðið deigið nú aftur, mótið síðan bollurnar á milli handanna og raðið þeim á plötu.
Þar þurfa þær að lyfta sér vel í 20-30 mínútur. 
Bakið þær við 200 gráður í miðjum ofni í 10 mínútur og leyfið þeim að kólna áður en
þið skerið þær í tvennt, takið innan úr þeim og fyllið með rjóma og sultu.
Bræðið súkkulaði með 1 tsk. af olíu við mjög vægan hita yfir vatnsbaði
og smyrjið yfir bollurnar.

Njótið!

(Uppskrift úr Fréttablaðinu 6.2.2016)





Einnig í Bakstur

Fyllt brauð með tómötum ofl
Fyllt brauð með tómötum ofl

September 30, 2021

Fyllt brauð með sólþurrkuðum tómötum, ólívum og feta osti
Mér finnst alveg dásamlegt að baka heimagert brauð og prufa mig áfram í hversskonar fyllingum og hérna er ein góð.

Halda áfram að lesa

Hvít lagterta
Hvít lagterta

December 22, 2020

Hvít lagterta
Ég man hvað það var gott að fá lagtertur hjá ömmu Jónu en hún bakaði þær báðar fyrir hver jól ásamt ýmsu öðru góðgæti og á jóladag hittist stórfjölskyldan 

Halda áfram að lesa

Brauðbollu hringur
Brauðbollu hringur

November 07, 2020

Brauðbollu hringur
Þessi var súperfljótlegur, svo mikil snilld að geta stundum töfrað svona gómsætt brauð úr annarri hendinni ef svo má segja en hérna notaði ég einfaldlega 

Halda áfram að lesa