Pönnukökur með rjóma

September 20, 2020

Pönnukökur með rjóma

Pönnukökur með rjóma
Ég elskaði alltaf að koma til hennar ömmu minnar, hún var með þeim einu sem bakaði alltaf pönnukökur, að mínu mati þær allra bestu í þá daga og það var alveg sama hvað ég reyndi að gera mínar eins góðar og hennar (meira að segja fékk ég pönnukökupönnuna hennar eftir að hún féll frá) þá dugði það ekki til.
Núna á ég orðið nýja pönnu þar sem hin var löngu komin til ára sinna, kannski ég bara fara tilkeyra pönnuna og reyna aftur. 

Það var algjört spari ef þær voru fylltar með sultu og rjóma.

3 bollar hveiti (fíngert spelt)
½ tsk salt
2 egg
50 gr smjörlíki
½ tsk vanillusykur eða 1 tappi vanilludropar
4-5 dl mjólk
Gott er að bæta út í slatta af kaffi til að þynna út með í lokin en ég man að það gerði hún amma mín alltaf enda urðu þær alltaf fallega kaffibrúnar pönnukökurnar hennar.

Aðferð
Þurrefnunum er blandað saman og þynnt út með mjólk, egg hrærð útí.
Smjörlíki brætt og hellt útí ásamt kaffinu. Passið að hræra vel í allan tíman svo ekki komi kekkir. 

Hérna kemur svo önnur samskonar en gefin upp í gr. og kaffinu sleppt. 
Svo gott að hafa val.

250 gr hveiti, 
½ tsk lyftiduft, 
½ tsk salt, 
8-10 dl mjólk, 
80 gr smjör 
og 3 egg.


Þeytið svo rjóma, berið sultu á hverja köku og setjið eins og góða skeið af rjóma og brjótið saman.

Fyrir þá sem vilja hafa þær með sykri, þá er bara að strá honum yfir þær heitar (sykurinn bráðnar þá inn í pönnukökurnar) eða kaldar (finnur þá vel fyrir sykrinum)

Deilið &  njótið



Einnig í Bakstur

Normalbrauð
Normalbrauð

April 22, 2022

Normalbrauð
Stundum dettur maður í lukkupottinn og þetta er svo sannarlega einn af þeim og það er að fá þessa dásamlegu uppskrift af Normalbrauði frá henni Sigrúnu Sigmar

Halda áfram að lesa

Skúffukaka
Skúffukaka

March 30, 2022

Skúffukaka (brún)
Þegar strákarnir mínir voru litlir þá var þessi skúffukaka þeirra uppáhalds og hef ég ekki bakað hana í yfir 20.ár en þar sem ömmuprinsessan mín varð 1.árs núna

Halda áfram að lesa

Heilsu vöfflur
Heilsu vöfflur

March 25, 2022

Heilsu vöfflurnar hennar Elísabetar Ósk Sigurðardóttir
Ef maður er með grænmeti sem er að verða of gamalt mæli ég með að nota það í hollar pönnukökur eða vöfflur, segir hún Elísabet. 

Halda áfram að lesa